Okɛ Wolo Krokomɛi Afata Dɛhiɛmɔ Woji Lɛ Ahe Okɛha
1 Yɛ woji tɛtrɛbii ni akalaa ŋmɛnɛ Iɛ fɛɛ ateŋ Iɛ, Buu-Mɔɔ kɛ Awake! lɛ pɛ baanyɛ aye abua nikanelɔi anɔkwafoi lɛ ni amɛna gbɛ ni yaa naanɔ wala mli lɛ. Beni okɛ mɛi gbaa sane yɛ May kɛ June mli lɛ, mɛi komɛi baajie miishɛɛ diɛŋtsɛ kpo yɛ Maŋtsɛyeli lɛ he sane lɛ he, ni no lɛ, obaanyɛ ogbala amɛjwɛŋmɔ kɛya woji tɛtrɛbii heei ni eba, aloo Asafo lɛ woji bibii fɛfɛji lɛ eko fɛɛ eko nɔ. Mɛi krokomɛi hu yɛ ni kɛ jɛ shishijee lɛ, miishɛɛ fioo ko amɛnaa yɛ he. Yɛ nakai shihilɛi amli lɛ, klɛŋklɛŋ lɛ nyɛbaanyɛ nyɛgba oti kome loo enyɔ ko he sane yɛ dɛhiɛmɔ wolo ko mli; kɛkɛ lɛ kɛ shiatsɛ lɛ jie miishɛɛ babaoo kpo lɛ, okɛ wolo tɛtrɛɛ ko aloo woji bibii ni okɛtsuɔ nii lɛ eko efata dɛhiɛmɔ wolo lɛ he okɛha lɛ.
2 Obaanyɛ okɛɛ akɛ:
◼ “Mɛi pii baakpɛlɛ nɔ akɛ naagbai ni yɔɔ ŋmɛnɛ je nɛɛ mli lɛ fa kwraa fe amɛnaa tsabaa. Ani ole akɛ agba wɔnaagbai ni mli wawai fe fɛɛ lɛ mli babaoo ahe saji afɔ shi yɛ Biblia Iɛ mli?” Kɛkɛ lɛ obaanyɛ ogbele Ani Je Nɛɛ Baaya nɔ Ahi Shi? dɛhiɛmɔ wolo Iɛ baafai 4 kɛ 5 ni nyɛsusu naagbai lɛ ekomɛi ahe.
3 Kɛji okɛ April 1 Buu-Mɔɔ miitsu nii, ni shiatsɛ lɛ jie miishɛɛ kpo yɛ nɔ ni okane kɛjɛ dɛhiɛmɔ wolo lɛ mli lɛ he lɛ, no lɛ obaanyɛ ogbala ejwɛŋmɔ kɛya saneyitso ni ji “Nyiɛmɔ Je lɛ La lɛ Sɛɛ” lɛ nɔ, ni ogbala bɔ ni Yesu Kristo baana adesai anaagbai fɛɛ anaa tsabaa Iɛ mli otsɔɔ lɛ. No sɛɛ lɛ, kɛɛmɔ lɛ akɛ Obaaku osɛɛ oba eŋɔɔ be kroko ni okɛ lɛ abasusu sane lɛ he lolo.
4 Kɛji April 8 “Awake!” lɛ okɛtsuɔ mli lɛ, no Iɛ obaanyɛ okɛ hiɛkpamɔ wiemɔ ni atsɔɔ yɛ sane nɛɛ kuku 2 mli lɛ atsu nii ni okɛɛ kɛfata he akɛ:
◼ “Mɛi pii heee yeee akɛ Nyɔŋmɔ jamɔ kɛ maŋkwramɔ baanyɛ ana wɔnaagbai lɛ anaa tsabaa. shi amɛyiŋ feɔ amɛ enyɔnyɔ kɛji jeŋ nilee hu yɛ he tsabaa.” No sɛɛ lɛ kanemɔ sane ni sa, ni yɔɔ saneyitso ni ji ‘Ani Jeŋ Nilee Baanyɛ Akpee Afii Ohai 21 lɛ Mli Naagbai lɛ Anaa?’ lɛ shishilɛ otsɔɔ lɛ. Eyɛ faŋŋ akɛ obalaŋtai pii baana nɛkɛ sane nɛɛ kanemɔ he miishɛɛ, titri lɛ skul nikaselɔi.
5 Kɛ okɛ “Naa Miifee Nii Fɛɛ Ehee!” wolo bibioo lɛ miitsu nii lɛ, obaanyɛ okɛ abɛ kroko nɛɛ atsu nii:
◼ “Mɛi pii susuɔ nɔ ni baa wɔnɔ kɛji wɔgboi lɛ he. Mɛi komɛi kɛɔ akɛ wɔyaa ŋwɛi aloo wɔyaa hɛl; mɛi krokomɛi lɛ, amɛkɛɔ akɛ amɛleee Hetoo ni Biblia lɛ haa lɛ yɛ naakpɛɛ ni ewoɔ mɔ hewalɛ hu.” No sɛɛ lɛ obaanyɛ okɛ Mɛɛ Hiɛnɔkamɔ Yɔɔ Kɛha Suɔlɔi ni Amɛgboi dɛhiɛmɔ wolo lɛ atsɔɔ lɛ ni nyɛgba emli sane. No sɛɛ lɛ, obaanyɛ okɛ wolo bibioo lɛ baafai 16 kɛ 17 atsɔɔ lɛ kɛji shiatsɛ lɛ na dɛhiɛmɔ wolo lɛ he miishɛɛ.
6 Okɛ Shihilɛ yɛ Toiŋjɔlɛ Jeŋ Hee ko Mli dɛhiɛmɔ wolo lɛ atsu nii yɛ shiɛmɔ nitsumɔ lɛ mli. Obaanyɛ obi shiatsɛ lɛ saji etɛ ni yɔɔ dɛhiɛmɔ wolo lɛ klɛŋklɛŋ kuku lɛ mli lɛ. Kɛji eha hetoo sɛɛ lɛ, gbalamɔ ejwɛŋmɔ kɛya naagbee kuku ni yɔɔ baafa 3 lɛ nɔ. Enɛ gbalaa jwɛŋmɔ kɛyaa paradeiso ni asaa akɛba ekoŋŋ yɛ toiŋjɔlɛ shikpɔŋ nɔ lɛ nɔ. Kɛji shiatsɛ lɛ Jie miishɛɛ babaoo kpo lɛ, okɛ April 1 Buu-Mɔɔ lɛ atsu nii yɛ gbɛ ni atsɔɔ yɛ sane nɛɛ kuku 3 mli lɛ nɔ. Kɛ ohiɛɛɛ April woji tɛtrɛbii lɛ eko lɛ, okɛ nɔ ni yɔɔ lɛ atsu nii?
7 Kɛji shiɛlɔ hee ji bo Iɛ, no lɛ ŋwanejee ko bɛ he akɛ obaanya gbɛ kuku nɛɛ he waa. Mɛni hewɔ oheee Ani Je Nɛɛ Baaya nɔ Ahi Shi? dɛhiɛmɔ woji lɛ eko ni okɛ ŋaawoi ni atsɔɔ yɛ kuku 2 mli yɛ yiteŋgbɛ lɛ tsu nii?
8 Eji woo ni wɔna akɛ wɔkɛ yiwalaheremɔ sane lɛ aya gbɔmɛi ashiai amli. Beni wɔtaoɔ ‘mɛi ni sa’ lɛ, nyɛnaa wɔkɛ wɔ dɛhiɛmɔ woji lɛ atsua nii jogbaŋŋ ni wɔkɛ woji krokomɛi afataa he kɛhaa kɛji mɔ lɛ na he miishɛɛ.—Mat. 10:13.