Wɔhe Ni Wɔkɛaawo Wɔ Yiwalaheremɔ Sɔɔmɔ Lɛ Mli Yɛ Omanyeyeli Mli
1 Bɔfo Paulo tsɔ ehe nɔ fɛɛ nɔ eha mɛi yɛ sanekpakpa lɛ ni eshiɛɔ lɛ hewɔ koni ‘bɔ fɛɛ bɔ ni aaafee lɛ, ekɛhere mɛi krokomɛi ayiwala.’ (1 Kor. 9:19-23) Nakai nɔŋŋ wɔ hu wɔbaanyɛ wɔye omanye babaoo yɛ wɔ sɔɔmɔ lɛ mli kɛ wɔha wɔhiɛ hi wɔhe nɔ ni wɔyoo nibii ni shiatsɛ lɛ yɔɔ he miishɛɛ ni wɔfee klalo akɛ wɔkɛ wɔwiemɔ lɛ baato ehiamɔ nii ahe lɛ Esaaa akɛ enɛ feemɔ waa kɛ wɔkɛ Buu-Mɔɔ lɛ kɛ Awake! lɛ loo wɔwoji bibii lɛ eko miiha.
2 Beni otsɔɔ mɔ ni oji sɛɛ lɛ, obaanyɛ oje shishi okɛɛ nɛkɛ yɛ bo diɛŋtsɛ owiemɔi amli: “Mɛi pii anijiaŋ eje wui yɛ bɔ ni eka ◼ shi faŋŋ akɛ jeŋ nɔyelii nyɛɛɛ ana tsabaa aha wɔbei nɛɛ amli naagbai lɛ hewɔ. Mɛi komɛi po kɛɔ akɛ amɛnaagbai Iɛ jɛ jeŋ nɔyelii lɛ. Ani osusuɔ akɛ nɔyeli ko baahi shi ni baanyɛ aha wɔ wɔhiamɔ nii fɛɛ jogbaŋŋ? [Ŋmɛɛ hetoo gbɛ.] Ani ole akɛ wɔyɛ shiwoo ko ni anyɛɔ akɛ he fɔɔ nɔ ni kɔɔ nɔyeli ni baajie naagbai fɛɛ ni wɔkɛkpeɔ lɛ kɛya lɛ he?” Bo shiatsɛ lɛ hetoo lɛ toi jogbaŋŋ. Daamɔ nɔ ni eeewie lɛ nɔ okudɔ sanegbaa Iɛ kɛya shiɛmɔ wiemɔi sɔrɔtoi ni sa lɛ eko nɔ. Shi tsi ohe kɛjɛ shiɛmɔ wiemɔi ni baanyɛ akɔ maŋkwramɔŋ saji ahe lɛ he.
3 Kɛ nɔ ko yɛ shiatsɛ lɛ wiemɔ mli ni tsɔɔ akɛ ebuɔ ehe akɛ eji Kristofonyo lɛ, no lɛ wɔbaanyɛ wɔbi kɛ ekɛɔ “Wɔ-tsɛ ni Yɔɔ Ŋwɛi” sɔlemɔ lɛ. Kɛ ekpɛlɛ nɔ lɛ, wɔbaanyɛ wɔkɛɛ sɔlemɔ nɔkwɛmɔ nɔ lɛ kɛyashɛ he ni ekɛɔ akɛ, “Omaŋtsɛyeli lɛ aba; afee nɔ ni osumɔɔ yɛ shikpɔŋ lɛ nɔ, taakɛ afeɔ yɛ ŋwɛi Iɛ.” (Mat. 6:9, 10) Enɛ yeɔ odase akɛ gbi ko baaba ni abaafee Nyɔŋmɔ suɔmɔnaa nii yɛ shikpɔŋ lɛ nɔ yɛ biɛ. Abaanyɛ agbala ejwɛŋmɔ kɛya sane ni sa ni yɔɔ Buu-Mɔɔ loo Awake! loo woji bibii lɛ eko mli ni wieɔ enɛ he lɛ nɔ, tamɔ Nɔyeli ni kɛ Paradeiso Baaba lɛ baafa 3 nɛkɛ.
4 Kɛji akɛ shiatsɛ lɛ heee Nyɔŋmɔ nɔ eyeee lɛ, obaanyɛ okane Hebribii 3:4 ni ogbele wolo bibioo. Ani Nyɔŋmɔ Susuɔ Wɔhe Lɛlɛŋ? lɛ baafa 4. Kanemɔ kukuji 1 kɛ 2 ni obi sane ni yɔɔ baafa lɛ shishigbɛ lɛ. Aloo ekolɛ obaanyɛ okɛto sane ko ni sa ni yɔɔ woji tɛtrɛbii heei lɛ eko mli lɛ he.
5 Kɛji shiatsɛ lɛ tamɔ mɔ ko ni emii shɛɔ shihilɛ mli ni eyɔɔ lɛ he lɛ, obaanyɛ obi asane lɛ akɛ:
◼ “Mɛni hewɔ esa akɛ wɔkɛ hiɛdɔɔ asusu nɔ ni Biblia lɛ kɛɔ yɛ nɔyeli wɔsɛɛ be he lɛ?” Kɛkɛ lɛ wɔbaanyɛ wɔkɛ sane ni yɔɔ Reasoning wolo lɛ baafai 154 kɛ 155 lɛ atsu nii, ni owie yiŋtoi kpaanyɔ ni akɛha yɛ jɛmɛ lɛ ekome loo babaoo he kuku. Kɛ shiatsɛ lɛ jie miishɛɛ kpo lɛ, okɛ dɛhiɛmɔ wolo, Ani Je Nɛɛ Baaya nɔ Ahi Shi? lɛ atsu nii, ni oje shishi kɛjɛ klɛŋklɛŋ kuku ni yɔɔ baafa 2 lɛ nɔ ni okɛtsa osanegbaa lɛ nɔ.
6 Kɛ oteee shiatsɛ lɛ akɔnɔ shi kɛhaaa saramɔ kroko lɛ, ojɛmɛ yaa klɛŋklɛŋ lɛ yeŋ omanye tsɔ. No hewɔ lɛ, bɔɔ mɔdɛŋ ni obi sane ko ni yɔɔ miishɛɛ, koni owo shi akɛ obaaha hetoo kɛ oku osɛɛ oba jɛmɛ ekoŋŋ.
7 Halamɔ nɔ ni onuɔ he akɛ omii aaashɛ ekɛ nitsumɔ he kɛjɛ nɔ ni yɔɔ yiteŋgbɛ nɛɛ amli. Obaanyɛ otsake ŋaawoi ni akɛha lɛ amli koni esa oshikpɔŋkuku lɛ. Esa akɛ ole woji bibii lɛ, dɛhiɛmɔ woji lɛ, kɛ woji tɛtrɛbii ni okɛbaatsu nii lɛ amli saji jogbaŋŋ koni onyɛ okɛ oyaiyeli atsake owiemɔ lɛ ni ekɔ shiatsɛ lɛ hiamɔ nii ahe. Eba akɛ wɔ fɛɛ wɔɔsaa wɔshiɛmɔ wiemɔi lɛ jogbaŋŋ yɛ “sanekpakpa lɛ hewɔ” koni wɔnyɛ wɔkɛ wɔhe awo yiwalaheremɔ sɔɔmɔ nɛɛ mli yɛ omanyeli mli.—1 Kor. 9:23.