Ani Obaanyɛ Ofee?
1 Obaabi akɛ, ‘Afee mɛni?’ Abɛi 3:27 haa hetoo akɛ: Mɛi ni sa ejurɔfeemɔ lɛ, kaakama amɛ, kɛji efeemɔ yɛ ohewalɛ mli lɛ.” Ani “efeemɔ yɛ ohewalɛ mli” akɛ ooolɛɛ onitsumɔ mli ni okɛ ohe awo gbɛgbalɔi awalɔi loo daa gbɛgbalɔi asɔɔmɔ lɛ mli? Ani obaanyɛ ofee nakai?
2 Kwɛ bɔ ni eji hewalɛwoo akɛ wɔɔkane yɛ 1993 Yearbook lɛ mli akɛ ni aja mli lɛ wɔna daa gbɛgbalɔi kɛ gbɛgbalɔi awalɔi 3,584 yɛ Ghana, ni feɔ gbɛgbalɔ 1 kɛha shiɛlɔi 10. Hɛɛ, mɛi 488 bote daa gbɛgbalɔi asɔɔmɔ lɛ mli nyɛsɛɛ afi lɛ. Enɛ shɛɔ aaafee shiɛlɔi 40 daa nyɔŋ nɔ, ni pɛi amɛshihilɛ mli ni amɛna akɛ amɛbaanyɛ amɛfee babaoo yɛ sɔɔmɔ lɛ mli.
3 Gbɛgbalɔi awalɔi ji gbɛ ni wɔtsɔɔ nɔ wɔfeɔ mɛi krokomɛi ejurɔ. Nyɛsɛɛ afi lɛ, gbɛgbalɔi awalɔi ayifalɛ ni fe fɛɛ ni ana ji 3,168. Ehi jogbaŋŋ diɛŋtsɛ. Shiɛlɔi pii miitao gbɛi ni amɛaatsɔ nɔ amɛfee daa gbɛgbalɔi yɛ bei babaoo mli yɛ afi lɛ mli.
4 Kɛ ootao ole kɛji obaanyɛ ‘ofee’ loo onyɛŋ lɛ, klɛŋklɛŋ lɛ ehe miihia ni osusu bɔ ni onuɔ he yɛ otsuiŋ lɛ he. (Mat. 22:37, 39) Bɔfoi lɛ Asaji 20:35 kɛɔ akɛ: “Nɔ hamɔ mli yɛ jɔɔmɔ fe hemɔ.” Ŋwanejee ko bɛ he akɛ, mɛi ni jɛɔ amɛtsuiŋ amɛkɛ mumɔŋ yelikɛbuamɔ haa lɛ yɛ henumɔ ni ja. Kɛji ooonyɛ otsɔ shiɛlɔ loo gbɛgbalɔ ni yeɔ omanye lɛ, belɛ nakai henumɔ lɛ he miihia waa.
5 Nɔ ni ji enyɔ lɛ, susumɔ oshihilɛ amrɔ nɛɛ he okwɛ. Ani obaanyɛ ofee tsakemɔi yɛ odaa gbi shihilɛ mli ni osɔmɔ kɛ obe fɛɛ? Jeee mɔ fɛɛ mɔ baanyɛ. Shi beni amɛkɛ sɔlemɔ esusu he sɛɛ lɛ, daa afi lɛ mɛi akpei abɔ taoɔ gbɛ ni amɛaatsɔ nɔ ‘amɛfee.’ (Kol. 4:5; w77 bf. 701) Akɛ nɔkwɛmɔ nɔ lɛ, wekui komɛi halaa nyɔji pɔtɛɛ komɛi kɛhaa weku lɛ mlibii fɛɛ loo amɛteŋ mɛi komɛi ni amɛkɛfee gbɛgbalɔi awalɔi. Wekui krokomɛi hu diɔ amɛteŋ mɔ kome sɛɛ akɛ daa gbɛgbalɔ. Ani nyɛweku lɛ esusu nɛkɛ gbɛi ni abaanyɛ atsɔ nɔ nɛɛ ahe?—Kwɛmɔ Abɛi 11:25.
6 Mɛi krokomɛi ni aaaye abua amɛ ni amɛbale anɔkwale lɛ ji nɔ ni haa mɔ anɔkwa tsui ni nyɔɔ mɔ mli, ekɔɔɔ he eko akɛ kɛ oosɔmɔ akɛ shiɛlɔ aloo gbɛgbalɔ. Wɔle akɛ anɔkwa miishɛɛ jɛɔ ejurɔ ni afeɔ mɛi krokomɛi lɛ mli, titri lɛ kɛ ‘efeemɔ yɛ ohewalɛ mli.’