Afee Nibii Klalo Kɛha Kaimɔ Lɛ

Ani akɛɛ mɔ fɛɛ mɔ, ni wielɔ lɛ fata he lɛ be pɔtɛɛ kɛ he ni abaaye yɛ? Ani wielɔ lɛ le akɛ esaaa akɛ gbɛjianɔtoo lɛ yeɔ fe minitii 45?

Ani akɛwo mɔ ko dɛŋ akɛ etao okadi nibii lɛ kɛba? (Kwɛmɔ February 15, 1990 Blɔfo Buu-Mɔɔ lɛ baafai 16-18.) Ani ato gbɛjianɔ koni ato okpɔlɔ lɛ ni akɛ okpɔlɔ nɔ mama ni he tse aha nɔ kɛ glasei kɛ plɛtei saŋŋ bɔ ni sa?

Ani ato gbɛjianɔ koni asaa Maŋtsɛyeli Asa lɛ nɔ kɛtsɔ hiɛ kɛ beni agbe naa sɛɛ? Ani atsɔɔ mɛi ni baakwɛ shitaramɔ lɛ nɔ kɛ mɛi ni kɛ okadi nibii lɛ baaha? Ani akɛ amɛ efee kpee koni agba bɔ ni amɛbaatsu amɛnii amɛha lɛ he sane? Mɛɛ gbɛ abaatsɔ nɔ koni akwɛ ni akɛ okadi nibii lɛ atsɔɔ mɔ fɛɛ mɔ jogbaŋŋ?

Ani ato gbɛjianɔ koni akɛye abua nyɛmimɛi hii kɛ yei ni egbɔlɔ kɛ helatsɛmɛi lɛ koni amɛba? Kɛ mɛi ni afɔ amɛ mu lɛ ateŋ mɔ ko yɛ ni eka tsu mli ni enyɛɛɛ eba lɛ, ani ato gbɛjianɔ aha amɛ koni akɛ okadi nibii lɛ aha amɛ? Asafo lɛ woloŋmalɔ lɛ akwɛ koni ekɛ “Memorial Report” ni agbe ehe nitsumɔ naa lɛ amaje Hɔɔ yɛ April 15.