Kaimɔ Lɛ Yeli Kɛha 1989
1 Shɔ, March 22, 1989, baakadi Kristo gbele lɛ Kaimɔ lɛ yeli nɔ ni ji 1,956 nɔ. Yɛ be mli ni wɔtoɔ wɔ diɛŋtsɛ wɔ gbɛjianɔ koni wɔya lɛ, ehe miihia ni wɔsusu mɛi krokomɛi ni nine ni wɔɔfɔ amɛ aloo yelikɛbuamɔ ni wɔkɛaaha amɛ lɛ he baahia amɛ lɛ he. Amrɔ nɛɛ ji be ni esa akɛ wɔje shishi wɔbɔi gbɛjianɔtoo kɛha Kaimɔ lɛ ni wɔkɛsusu mɛi krokomɛi ni wɔɔfɔ amɛ nine lɛ ahe.—Ofainɛ kwɛmɔ “Nibii ni Esa Akɛ Ato He Gbɛjianɔ Kɛha Kaimɔ Lɛ” yɛ baafa 4.
2 Te wɔbuɔ ya ni wɔɔya Kaimɔ lɛ shishi lɛ wɔhaa tɛŋŋ? Esa akɛ wɔbu lɛ akɛ hegbɛ ni wɔnaa ni wɔkɛaajie hiɛsɔɔ ni wɔyɔɔ kɛha Kristo afɔleshaa lɛ kpo. Kɛji ole akɛ obaafa gbɛ ni oshi asafo mli ni oyɔɔ lɛ, bɔɔ mɔdɛŋ ni onine ashɛ Maŋtsɛyeli Asa ni yɔɔ he ni oyaa lɛ adrɛs nɔ koni onyɛ oya yɛ jɛmɛ.
Okɛ Ninefɔɔ Krɛdɛɛ Atsu Nii
3 Nyɛbaanyɛ nyɛkɛ Kaimɔ lɛ he woji krɛdɛɛ ni akɛfɔɔ mɛi anine lɛ abɔi nitsumɔ mra yɛ March mli. Kaimɔ akɛ, akɛtsuuu nii akɛ dɛhiɛmɔ woji ni akɛfɔɔ nine, shi moŋ akɛbaaha mɛi ni yɔɔ wiemɔ lɛ he miishɛɛ lɛ tɛɛ. Akɛni yɛ bei babaoo mli mɛi ahiɛ kpaa he Iɛ kɛ gbi lɛ nɔ hewɔ lɛ, wɔmiiwo ŋaa ni aŋma loo akala Maŋtsɛyeli Asa lɛ adrɛs lɛ kɛ be ni akɛbaaye Kaimɔ lɛ yɛ wolo ni akɛfɔɔ nine lɛ shishigbɛ ni eje shi jogbaŋŋ. Kɛ ebaahi lɛ, okɛ mɔ ni ofɔɔ lɛ nine lɛ aye be doo ni okɛye ebua lɛ ni enu hiamɔ ni yɔɔ Kaimɔ lɛ yeli lɛ mli lɛ shishi jogbaŋŋ. Mɛi heei ni yɔɔ wiemɔ lɛ he miishɛɛ lɛ baashashao shi akɛ amɛaaya Maŋtsɛyeli Asa lɛ nɔ amɛ kometoo. Ani obaanyɛ okɛ ohe aha ni okɛtao tsɔne oha amɛ loo ni okɛ amɛ akpe yɛ Maŋtsɛyeli Asa lɛ kpo lɛ nɔ? Enɛ baabi be kɛ mɔdɛŋbɔɔ kroko, shi amɛhiɛ baasɔ yelikɛbuamɔ ni okɛaaha amɛ lɛ. Kɛfata he lɛ, esa akɛ abɔ mɔdɛŋ waa ni akɛye abua mɛi ni amɛbale anɔkwale lɛ afi komɛi amli shi amɛtee sɛɛsɛɛ ni amɛbaaa kpee daa lɛ hu.—Luka 11:23; Yoh. 18:37b.
Nibii Ni Ehe Hiaa Ni Asaa He Yɛ He
4 Asafoŋ onukpai lɛ baasumɔ ni amɛkwɛ akɛ ato gbɛjianɔi fɛɛ ni he baahia kɛha Kaimɔ lɛ jogbaŋŋ kɛtsɔ hiɛ. Nyɛkwɛa koni nyɛhalaa nyɛmimɛi hii ni he esa koni amɛkɛ Kaimɔ lɛ nibii lɛ atsɔɔ. Esa akɛ nɛkɛ nyɛmimɛi hii nɛɛ afee onukpai loo asafoŋ sɔɔlɔi kɛ abaana mɛi nakai. Ato gbɛjianɔ kɛha nyɛmimɛi babaoo ni baanyɛ atsu enɛ koni nibii lɛ kɛtsɔɔmɔ lɛ sɛɛ akatsɛ tsɔ. Yɛ be mli ni nyɛmimɛi ni kɛtsɔɔ toibolɔi lɛ egbe naa lɛ, nyɛmimɛi ni kɛtsɔɔ lɛ baatara hiɛ sɛii lɛ anɔ ni wielɔ lɛ kɛ nibii lɛ baatsɔɔ amɛ. Naagbee lɛ, amɛteŋ mɔ kome kɛbaatsɔɔ wielɔ lɛ hu.
5 Beni afii lɛ hoɔ yaa lɛ, wɔmiibɛŋkɛ gbi ni Nuŋtsɔ lɛ Gbɛkɛnaashi Niyenii lɛ yeli he ebahiaŋ dɔŋŋ lɛ he. Kristo nyɛmimɛi hii ni afɔ amɛ mu lɛ ateŋ mɛi fioo ko Yesu fa akɛ aye egbele lɛ he kaimɔ lɛ aahu kɛyashi be ni enyɛmimɛi hii nɛɛ fɛɛ aaafata ehe yɛ Maŋtsɛyeli lɛ mli. (Luka 22:19; 1 Kor. 11:25) Kɛyashi nakai be lɛ baashɛ lɛ, wɔkɛ toiboo kɛ anɔkwayeli baabua wɔhe naa daa afi koni wɔkɛye Kaimɔ lɛ kɛ miishɛɛ kpele kɛ hiɛsɔɔ hu.
[Box on page 4]
1. Ani atswa mɔ fɛɛ mɔ adafi, kɛ wielɔ lɛ diɛŋtsɛ hu, yɛ be kɛ he pɔtɛɛ ni abaaye yɛ lɛ? Ani wielɔ lɛ yɛ tsɔne ni ekɛaaba jɛmɛ?
2. Ani ato gbɛjianɔ jogbaŋŋ kɛha nibii ni akɛbaatsɔɔ Iɛ anamɔ?
3. Ani ato gbɛjianɔ koni mɔ ko kɛ okpɔlɔ nɔhaa nɔ ni he tse kɛ glasei kɛ plɛtei abɔ ni he baahia Iɛ aba?
4. Mɛɛ gbɛjianɔ ato ni akɛbaasaa asa lɛ nɔ?
5. Ani akɛ nitsumɔ ewo mɛi adɛŋ akɛ mɛi ni baakwɛ shitaramɔ Iɛ nɔ kɛ mɛi ni kɛ nibii Iɛ baatsɔɔ? Ani ato gbɛjianɔ ni akɛ amɛ baakpe kɛsusu amɛnitsumɔ Iɛ he dani Kaimɔ lɛ ashɛ? Mɛɛ be? Mɛɛ gbɛjianɔtoo akɛbaatsu nii koni no aha akɛ nibii Iɛ atsɔɔ mɛi fɛɛ jogbaŋŋ?
6. Ani gbɛjianɔtoo ni akɛbaaye abua mɛi ni edara yɛ afii amli kɛ nyɛmimɛi hii kɛ yei ni naaa hewalɛ lɛ eye emuu? Ani ato gbɛjianɔ koni akɛ nibii Iɛ ayaha mɛi ni afɔ amɛ mu ni amɛnyɛŋ amɛba Maŋtsɛyeli Asa lɛ nɔ lɛ hu?