Sanebimɔ He

◼ Mɛni esa akɛ afee,kɛ mɔ ni akɛ maŋshiɛmɔ eha lɛ akɛ ebaha lɛ nyɛɛɛ ebashɛ kpee lɛ shishi mra lɛ?

Bei komɛi lɛ, shihilɛi komɛi ni anyɛɛɛ atsi naa lɛ baatsi nyɛmi nuu ko naa ni ebashɛŋ shi mra koni eha ewiemɔ ni ato gbɛjianɔ akɛ ebaha lɛ. Kɛ ayɛ yiŋtoo ni aaadamɔ nɔ ahe aye akɛ etsɛŋ ni ebaashɛ shi lɛ, onukpai lɛ baanyɛ akpɛ yiŋ akɛ amɛbaaya nɔ amɛfee Buu- Mɔɔ Nikasemɔ lɛ; Maŋshiɛmɔ lɛ baanyɛ anyiɛ sɛɛ. Ni kɛ ebafee faŋŋ akɛ wielɔ lɛ ebashɛŋ shi hu? Ekolɛ asafo lɛŋ wielɔi lɛ ateŋ mɔ kome banyɛ ebaha wiemɔ fɛɛ wiemɔ ni esaa ehe momo yɛ mli lɛ.

Bel pii lɛ, gbɛjianɔ ni atoɔ mɔmɔ kɛtsɔɔ hiɛ lɛ tsiɔ naagba nɛɛ naa.Esa akɛ maŋshiɛmɔ nɔkwɛlɔ lɛ ayana wielɔ fɛɛ wielɔ kɛ hoo kwraa lɛ otsi kome kɛtsɔ hiɛ koni ekai lɛ yɛ nitsumɔ ni akɛwo edɛŋ lɛ he.Esa akɛ mɔ ni kaiɔ mɔ lɛ atsɔɔ he ni ekɛbaakpe lɛ hu, Maŋtsɛyeli Asa lɛ adrɛs kɛ telifon nɔmba (kɛ eko yɛ), kɛ gbɛtsɔɔmɔi ni yɔɔ faŋŋ ni abaatsɔ nɔ akɛna he asa lɛ yɔɔ.Esa akɛ wielɔ lɛ akadi saji nɛɛ jogbaŋŋ. Esa akɛ ebu nitsumɔ ni akɛ wo edɛŋ lɛ akɛ hiɛdɔɔ sane, ni efee tsakemɔi fɛɛ ni he hiaa yɛ egbɛjianɔtoi amli koni enyɛ etsu gbɛnaa nii nɛɛ he nii. Kɛ nɔ ko ni enyɛɛ etsi naa ba ni baatsi enaa koni ekanyɛ efee enɛ lɛ, no lɛ esa akɛ eyana maŋshiɛmɔ nɔkwɛlɔ lɛ amrɔ nɔŋŋ koni anyɛ ato gbɛjianɔ ni aha mɔ ko aye enajiaŋ.Esa akɛ abɔ mɔdɛŋ fɛɛ ni aaanyɛ koni akwa gbɛjianɔtoo ni afoɔ mli yɛ naagbee mli kwraa lɛ. Kɛ nɔ ko haŋ wielɔ lɛ abashɛ mra ni ebaakpe sɛɛ minitii fioo beni aje shishi lɛ, no lɛ ebaanyɛ ekwɛ koni akɛ shɛɛ ayamaje kɛya Maŋtsɛyeli Asa lɛ nɔ koni nyɛmimɛi lɛ ale bɔ ni amɛaafee ni amɛya nɔ.

Hiɛsɔɔ ni anaa ahaa maŋshiɛmɔ ni akɛwoɔ mɔ dɛŋ, gbɛjianɔ kpakpa ni atsɔɔ hiɛ atoɔ kɛ saji ni akɛkaiɔ, kɛ nɔkwɛmɔ jogbaŋŋ lɛ baanyɛ aha asafo lɛ ana maŋshiɛmɔ ni he baa sɛɛnamɔ mli ŋɔɔmɔ otsi fɛɛ otsi.