Onia ni Atsuɔ Kɛhaa Asafo lɛ Jeŋ Muu Fɛɛ Nitsumɔ lɛ Yeɔ Ebuaa Nitsumɔ Mligbelemɔ
Taakɛ agba afɔ shi yɛ Yesaia 54:2,3 lɛ, Yehowa jamɔ krɔŋŋ lɛ mli miigbele kɛmiiya nɔ yɛ shikpɔŋ lɛ nɔ fɛɛ. Shikpɔji babaoo ni yɔɔ Afrika shikpɔŋ wulu lɛ nɔ kɛ ŋshɔkpɔi ni bɛŋkɛ lɛ lɛ fata he. Yɛ afii nyɔŋma ni eho lɛ amli lɛ, ájie naatsii ni akɛba Maŋtsɛyeli nitsumɔ lɛ nɔ lɛ yɛ hei komɛi tamɔ Angola, Cameroon, Equatorial Guinea, Ethiopia, Madagascar, Malawi, Mozambique, kɛ Togo. Gilead maŋsɛɛ sanekpakpa shiɛlɔi, mɛi ni egbe Sɔɔmɔ Tsɔsemɔ Skul lɛ naa, Betel weku lɛ mli bii, kɛ mɛi krokomɛi miitsu nitsumɔi ni akɛwo amɛdɛŋ lɛ ahe nii yɛ maji nɛɛ amli kɛ shikpɔji krokomɛi ni ŋmɔ lɛ eyɛ futaa kɛha kpamɔ lɛ anɔ.—Mat. 9:37, 38.
Eka shi faŋŋ akɛ, anɔkwa jalɔi ayifalɛ ni etee hiɛ yɛ Yehowa gbɛjianɔtoo lɛ mli lɛ biɔ ni amamɔ Maŋtsɛyeli Asai heei ohai abɔ. Ehe ebahia hu ni ato gbɛjianɔ kɛha Kpee Asai kɛ nitsumɔ he niji heei amaamɔ loo etsui amligbelemɔ. Shika ni akɛtsuɔ nitsumɔi nɛɛ kɛ agbɛnɛ Maŋtsɛyeli nitsumɔ lɛ ni aaana ekã he eya hiɛ ni jeee yɛ Afrika pɛ shi moŋ yɛ jɛ lɛŋ hei krokomɛi hu lɛ eha afite shika ni akɛyeɔ abuaa Asafo lɛ jɛŋ muu fɛɛ nitsumɔ lɛ babaoo diɛŋtsɛ.
Mfonirii ni asha kɛ nɔ ni atɛŋ yɛ nɔ ni aŋma ahɔ mli nɛɛ baafai enyɔ lɛ amli lɛ haa onáa nɔ ni Asafo lɛ bɔɔ mɔdɛŋ ni etsu he nii yɛ Africa shikpɔŋkuku lɛ mli lɛ he jwɛŋmɔ ko. Nɔ ni akɛtsɔɔ nɛɛ ji tsumaa nitsumɔ ni miiya nɔ amrɔ nɛɛ lɛ ekomɛi kɛ nitsumɔi ni etsɛŋ ni abaaje shishi. Kɛ okwɛ shiɛmɔ nitsumɔ he tao ni afee yɛ 1996 Yearbook lɛ mli lɛ, obaanyɛ ona nɔ ni shiɛlɔi ni yɔɔ maji nɛɛ amli lɛ feɔ yɛ shiɛmɔ nitsumɔ lɛ mli lɛ jogbaŋŋ. Yifalɛ ni yaa hiɛ waa etee nɔ yɛ shikpɔji babaoo nɔ, ni nɔ ni tsɔɔ akɛ yifalɛ lɛ baanyɛ aya hiɛ waa lɛ ji nɔ ni anaa yɛ mɛi ni baa Kaimɔ lɛ ayifalɛ ni yaa hiɛ waa lɛ gbɛfaŋ. Kɛ wɔha nɔ ni atsuɔ he nii akɛ jeŋ muu fɛɛ maŋtsɛyeli- shiɛmɔ kɛ kaselɔ-feemɔ nitsumɔ yɛ shikpɔji wuji krokomɛi anɔ lɛ hi wɔjwɛŋmɔ mli lɛ. ehaa hegbɛ ni wɔyɔɔ akɛ wɔɔye wɔbua nɔ ni atsuɔ yɛ anɔkwa jamɔ he lɛ he nii bakaa wɔnɔ.—Luka 16:9;1Tim.6:18
[Mfoniri yɛ baafa 3]
Maŋtsɛyeli Asa ni yɔɔ KwaZulu-Natal, South Africa, akɛ gbii 9 ma
[Mfoniri yɛ baafa 3]
Maŋtsɛyeli Asa yɛ Nigeria, afite shika fioo kɛma
[Mfoniri yɛ baafa 3]
Kpee Asa ni yɔɔ Mozambique ni emli sɛii baahe mɛi 1,500, abaagbe naa yɛ 1996 naagbee mli
[Mfoniri yɛ baafa 3]
Mozambique nitsumɔ he nine tsui, abaagbe naa yɛ 1996 naagbee mli
[Mfoniri yɛ baafa 3]
Sierra Leone nitsumɔ he nine, abaagbe naa yɛ hulutsoo he nɛɛ mli
[Mfoniri yɛ baafa 4]
Kpee Asa ni yɔɔ Mauritius, ni eyiteŋ pɛ awo naa, kɛ agbɛnɛ nitsumɔ he nine tsui ni abaagbe naa yɛ 1997 agbiɛnaa be mli
[Mfoniri yɛ baafa 4]
Zimbabwe nitsumɔ be nine ni aama
[Mfoniri yɛ baafa 4]
Kpee Asa ni atwsako gbogbo awoko he kɛ nitsumɔ he nine ni aama yɛ Senegal
[Mfoniri yɛ baafa 4]
Kenya nitsumɔ he nine hee, yɛ Nairobi maŋtiase lɛ mli
[Mfoniri yɛ baafa 4]
Madagascar nitsumɔ he nine, etsɛŋ ni abaagbe naa
[Mfoniri yɛ baafa 4]
Nitsumɔ he nine ni abaama kɛha Malawi