Sanebimɔ he

◼ Mɛɛ woji esa akɛ akɛ mɛi hee akase dani abaptisi amɛ?

Dani mɔ ko baanyɛ ajɔɔ ewala nɔ eha Yehowa ni abaptisi lɛ lɛ, esa akɛ ená anɔkwa nilee. (Yoh. 17:3) Enine baashɛ nilee ni he hiaa lɛ nɔ kɛtsɔ woji enyɔ ni ji Mɛni Nyɔŋmɔ Taoɔ yɛ Wɔdɛŋ? wolo bibioo lɛ kɛ Nilee Ni Kɛ Mɔ Yaa Naanɔ Wala Mli wolo lɛ kasemɔ nɔ. Yɛ bei pii amli lɛ, akaseɔ Taoɔ wolo lɛ klɛŋklɛŋ. Shi kɛlɛ, kɛji aje nikasemɔ lɛ shishi yɛ Nilee wolo lɛ mli lɛ, esa akɛ akase Taoɔ wolo bibioo lɛ sɛɛ mli beni agbe wolo lɛ naa. Mɛni hewɔ enɛ he hiaa lɛ?

Taoɔ wolo bibioo lɛ kɛ Biblia shishijee tsɔɔmɔi lɛ anaa muamɔ haa. Kɛji akase no klɛŋklɛŋ lɛ, ebaaha nikaselɔ lɛ aná shishinumɔ yɛ shishijee taomɔ nibii ni baaha asa Yehowa hiɛ lɛ he. Kɛji akase lɛ naagbee lɛ, ebaatsu nii jogbaŋŋ akɛ nɔ ni akase yɛ Nilee wolo lɛ mli lɛ mlitii. Yɛ fɛɛ mli lɛ, wo nikaselɔ lɛ hewalɛ ni ekane ŋmalɛi ni fiɔ sɛɛ lɛ koni ejwɛŋ nɔ. Kwɛmɔ koni owie mfonirii lɛ ahe, ejaakɛ eyeɔ ebuaa ni nitsɔɔmɔ mɔɔ shi.—Kwɛmɔ January 15, 1997, Buu-Mɔɔ, baafai 16-17 lɛ.

Bei abɔ ni Biblia kaselɔ ko ekase woji enyɔ lɛ egbe naa lɛ, ebaanyɛ eha sanebimɔi fɛɛ ni onukpai lɛ kɛlɛ baatĩ mli yɛ hesaamɔ kɛha baptisimɔ mli lɛ ahetoo. Kɛji nakai eji lɛ, ehe ebahiaŋ ni akɛ lɛ akase nii yɛ wolo kroko mli, tsɛbelɛ esa akɛ nitsɔɔlɔ lɛ aná enɔyaa he miishɛɛ waa.— January 15, 1996, Buu-Mɔɔ, baafai 14, 17 lɛ.