Ekãafeemɔ ni Woɔ Mɛi Pii Hewalɛ

Bɔfo Paulo jie Korintobii lɛ ayi yɛ ekãa ni amɛyɔɔ kɛha nitsumɔ kpakpa ní “éwo” amɛnanemɛi Kristofoi ‘pii ahewalɛ’ lɛ hewɔ. (2 Kor. 9:2) Bei pii lɛ, mɔ aŋkro ko, weku ko, woloŋ nikasemɔ kuu ko, aloo asafo ko baanyɛ aná hewalɛwoo ni tamɔ nɛkɛ kɛtsɔ bɔ ni amɛkɛ ekãafeemɔ náa sanekpakpa jajemɔ nitsumɔ lɛ mli gbɛfaŋnɔ lɛ nɔ. Náa gbɛ̀i komɛi ni nyɛbaanyɛ nyɛtsɔ nɔ nyɛjie ekãafeemɔ ni nyɛyɔɔ kɛha shiɛmɔ nitsumɔ lɛ kpo.

◼ Too Hɔɔ ni obaaná lɛ ofɔ̃ shi daa ni okɛtsu nii akɛ Woji Tɛtrɛbii Ajaa Gbi.

◼ Okɛ ohe awo shiɛmɔ nitsumɔ lɛ fã ko mli daa Hɔgbaa.

◼ Okɛ ohe awo gbɛkɛnaashi odaseyeli nitsumɔ lɛ mli babaoo bɔ ni ooonyɛ.

◼ Okɛ ohe awo odaseyeli nitsumɔ lɛ mli yɛ gbii krɛdɛɛi komɛi ni atoɔ he gbɛjianɔ lɛ mli.

◼ Okɛ ohe awo shiɛmɔ nitsumɔ lɛ mli yɛ nitsumɔ mli hejɔɔmɔ loo skul gbɛhamɔ mli.

◼ Fĩ shiɛmɔ nitsumɔ lɛ sɛɛ yɛ kpokpaa nɔkwɛlɔ lɛ saramɔ gbii lɛ amli.

◼ Okɛ ohe awo gbɛgbalɔi awalɔ nitsumɔ lɛ mli nyɔŋ kome loo nɔ ni fe nakai yɛ afi lɛ mli.

◼ Tsakemɔ oshihilɛi amli koni okɛ ohe awo daa gbɛgbamɔ nitsumɔ lɛ mli kɛ́ eeehi.—Kwɛmɔ 2000 Yearbook of Jehovah’s Witnesses, baafai 17-19 lɛ mli.