Nɔ Hewɔ ni Wɔsumɔɔ Wɔnyɛmimɛi Anaanyobɔɔ Muu lɛ Fɛɛ
Te wɔɔfee tɛŋŋ wɔya nɔ wɔjie suɔmɔ ni mli wa waa kpo wɔha wɔmumɔŋ nyɛmimɛi lɛ yɛ ŋmɛnɛ jeŋ ni suɔmɔ bɛ mli nɛɛ mli lɛ? (1 Pet. 2:17) Te wɔɔfee tɛŋŋ wɔtsɔɔ mɛi krokomɛi akɛ wɔ jeŋ muu fɛɛ nyɛmifeemɔ ŋmiiŋmi ko yɛ shihilɛ mli diɛŋtsɛ? (Mat. 23:8) Kɛtsɔ vidio ni ji Our Whole Association of Brothers (Wɔnyɛmimɛi Anaanyobɔɔ Muu lɛ Fɛɛ) lɛ nɔ. Etsɔɔ yiŋtoi ahewɔ ni wɔsumɔɔ wɔhe lɛ mli. Kwɛmɔ akɛ obaanyɛ oha sanebimɔi nɛɛ ahetoo lo:
(1) Mɛɛ nitsumɔi etɛ wɔ kɛ wɔ jeŋ muu fɛɛ nyɛmifeemɔ lɛ náa mli gbɛfaŋnɔ? (2) Mɛɛ gbɛ nɔ wɔnyɛmimɛi lɛ tsɔɔ nɔ amɛjieɔ amɛfaishitswaa akɛ amɛbaashiɛ lɛ kpo, (a) yɛ Alaska ŋa kpalanaa lɛ nɔ, (b) yɛ Europa lɛjiadaamɔhei ni dara lɛ, kɛ (d) Peru koo hayii lɛ amli? (3) Mɛɛ dɛŋdade krɛdɛɛ ko ekɛ nitsumɔ mɔɔ shi jogbaŋŋ lɛ? (4) Mɛni hewɔ esaaa akɛ wɔnuɔ he kɔkɔɔkɔ akɛ shiɛmɔ ji nitsumɔ folo ko kɛkɛ lɛ? (5) Okɛ nɔkwɛmɔnii ni tsɔɔ bɔ ni Yehowa Odasefoi eshɛje amɛhe mii ni amɛ́fi amɛhe sɛɛ yɛ haomɔ bei amli lɛ ahe nɔkwɛmɔnɔ aha—shikpɔŋhosomɔi, ahum ni fiteɔ nii, kɛ maŋ teŋ tai. (Kwɛmɔ nɔ ni Takao wie ni jeɔ kpo yɛ August 22, 1995, Awake! lɛ baafa 23, kɛ nɔ ni Kotoyo hu wie yɛ October 22, 1996 Awake! lɛ baafa 20 lɛ mli.) (6) Mɛɛ gbɛ̀i ni anyɛɔ atsuɔ he nii wɔ fɛɛ wɔbaanyɛ wɔtsɔ nɔ wɔfee wɔ Kristofoi anyɛmifeemɔ kadimɔ nii wulu lɛ he nɔkwɛmɔnɔ yɛ? (Yoh. 13:35) (7) Te esa akɛ wɔbu wɔ asafoŋ kpeei lɛ akɛ nɔ ko ni he hiaa waa lɛ he wɔha tɛŋŋ? (8) Te Maŋtsɛyeli Asa ni ayɔɔ ni akpeɔ yɛ mli lɛ saa mɛi ni amɛbɛ eko lɛ ahe ehaa tɛŋŋ? (9) Te fee tɛŋŋ ni abaa wɔnyɛmimɛi ni yɔɔ Europa Bokagbɛ kɛ Russia lɛ ayi yɛ mumɔŋ yɛ be mli ni agu nitsumɔ lɛ? (10) Mɛɛ mɔdɛŋ ni ekaaa Odasefoi babaoo bɔɔ koni amɛya kpeei wuji ŋmɛnɛ po, ni mɛni hewɔ? Enɛ ewo bo hewalɛ yɛ mɛɛ gbɛ nɔ? (11) Mɛni hewɔ nyɛtswa nyɛfai shi akɛ nyɛbaasɔmɔ kutuu yɛ ekomefeemɔ mli, koni nyɛye nyɛbua mɛi krokomɛi yɛ hiamɔ bei amli, ni nyɛshiɛ yɛ anɔkwayeli mli be fɛɛ be kɛ gbɛ fɛɛ gbɛ ni nyɛaanyɛ nɔ lɛ? (12) Mɛni hewɔ ebaafee nɔ ni hi akɛ oooná vidio nɛɛ eko akɛ bo diɛŋtsɛ onɔ̃ koni ojie otsɔɔ mɛi babaoo ni yɔɔ wiemɔ lɛ he miishɛɛ bɔ ni ooonyɛ lɛ?