Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Nov. 1

“Jalɛsaneyeli ni bɛ lɛ gbáa mɛi babaoo anaa yɛ je lɛ mli. Ani osusuɔ akɛ mɔ ko baanyɛ atsake je lɛ diɛŋtsɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ wieɔ nibii ni haaa anyɛ afee tsakemɔ nɛɛ lɛ he. Etsɔɔ mɔ ni baanyɛ atsu he nii, kɛ gbɛ nɔ ni ebaatsɔ ekɛ anɔkwa toiŋjɔlɛ kɛ shweshweeshwe shihilɛ aba lɛ mli.” Kanemɔ Lala 72:12-14.

Awake! Nov. 8

“Srɔtofeemɔ agbo kã niiatsɛmɛi kɛ ohiafoi ateŋ yɛ je lɛŋ fɛɛ. Ani osusuɔ akɛ abaanyɛ afee nɔ ko ní akɛjaje nakai srɔtofeemɔ agbo lɛ? [Ŋmɛɛ gbɛ ni eha hetoo. No sɛɛ lɛ kanemɔ Mateo 6:9, 10.] Wolo tɛtrɛɛ nɛɛ tsɔɔ nɔ hewɔ ni wɔbaanyɛ wɔná nɔmimaa akɛ Nyɔŋmɔ Maŋtsɛyeli lɛ baajie srɔtofeemɔi ni yɔɔ adesai ateŋ ŋmɛnɛ lɛ kɛya lɛ mli.”

Buu-Mɔɔ Nov. 15

“Mɛi babaoo enaaa nɔ hewɔ ni anyɛɛɛ aná naagbai ni haoɔ adesai lɛ anaa tsabaa, shi emli miiwo wu moŋ be fɛɛ be lɛ. Ani osusu he pɛŋ akɛ ekolɛ enɛ baanyɛ ajɛ nɔ ni ŋmalɛ nɛɛ kɛɔ lɛ hewɔ? [Kanemɔ Kpojiemɔ 12:9. No sɛɛ lɛ ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ ŋaa gbɛ̀i ni Abonsam tsɔɔ nɔ elakaa mɛi, kɛ gbɛ nɔ ni wɔbaanyɛ wɔtsɔ wɔte shi wɔwo hewalɛ ni enáa yɛ mɛi anɔ lɛ mli.”

Awake! Nov. 22

“Eyɛ mli akɛ ayɛ niyenii ni fa bɔ ni sa ni abaanyɛ akɛlɛ mɛi fɛɛ ni yɔɔ shikpɔŋ lɛ nɔ moŋ, shi hɔmɔ yeɔ mɛi aaafee akpekpei 800. Ani enɛ jeee mɔbɔ sane? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ niyenii ni anáaa aha mɛi ni yɔɔ maŋtiasei amli lɛ he naagba ni mli waa be fɛɛ be lɛ mli. Ewieɔ shiwoo ni Biblia lɛ kɛha akɛ jeŋ ko baaba ni hɔmɔ bɛ mli lɛ hu he.” Kanemɔ Lala 72:16a.