Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ June 1

“Hei babaoo yɛ ni tsutsu lɛ, akɛ bulɛ haa mɛi ni edara lɛ, taakɛ blema mla nɛɛ maa nɔ mi lɛ. [Kanemɔ 3 Mose 19:32.] Ani osusuɔ akɛ mɛi babaoo jieɔ bulɛ ni tamɔ nakai nɔŋŋ kpo ŋmɛnɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ wieɔ bɔ ni Nyɔŋmɔ susuɔ mɛi ni edara lɛ ahe ehaa kɛ gbɛ ni wɔ hu wɔɔtsɔ nɔ wɔfee nakai lɛ he.”

Awake! June

“Eyɛ mli akɛ awuiyeli ni akɛtutuaa mɔ jeee nɔ̃ ko heee moŋ, shi ŋmɛnɛ lɛ, ebatsɔ nifeemɔ ko ni miiya nɔ yɛ jeŋ fɛɛ, ni kɛ́ hooo lɛ, esaa mɔ fɛɛ mɔ shihilɛ he. Mɛni hewɔ osusuɔ akɛ no haa ebaalɛ nakai? [Ŋmɛɛ gbɛ ni eha hetoo.] Awake! wolo tɛtrɛɛ nɛɛ jɛɔ Biblia lɛ mli ehaa wɔleɔ be ni abaafo awuiyeli ni akɛtutuaa mɔ nɛɛ sɛɛ, kɛ bɔ ni Nyɔŋmɔ baaha toiŋjɔlɛ diɛŋtsɛ aba shikpɔŋ lɛ nɔ.” Kanemɔ Mika 4:4 lɛ.

Buu-Mɔɔ June 15

“Ani osusuɔ akɛ wɔbaanyɛ wɔná miishɛɛ yɛ naagbai ni wɔkɛkpeɔ lɛ fɛɛ asɛɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ gbalaa jwɛŋmɔ kɛyaa he ko ni wɔbaanyɛ wɔná gbɛtsɔɔmɔ ni baanyɛ aye abua wɔ koni wɔnyɛ wɔkpee shihilɛ mli naagbai anaa yɛ omanyeyeli mli lɛ nɔ. Kɛfata he lɛ, ewieɔ bɔ ni hiɛnɔkamɔ diɛŋtsɛ wajeɔ mɔ ehaa lɛ hu he.” Kanemɔ Kpojiemɔ 21:3, 4.

Awake! June

“Ani okɛ mi kpãaa gbee akɛ osharai ni ba nyɛsɛɛ nɛɛ maa bɔ ni esa akɛ afee toiboo aha kɔkɔbɔi ni akɛhaa lɛ nɔ mi? [Ŋmɛɛ gbɛ ni eha hetoo.] Okɛ saneyitso ni yɔɔ baafa 14 lɛ atsɔɔ lɛ. Saneyitso nɛɛ wieɔ nibii ni mɛi ni je Hurricane Katrina ni ji ahum ko ni fite nii babaoo lɛ mli shweshweeshwe lɛ ateŋ mɛi komɛi kase yɛ nakai oshara lɛ mli lɛ ahe. Kɛfata he lɛ ewieɔ kɔkɔbɔɔ ko ni esa akɛ wɔteŋ mɔ fɛɛ mɔ ni yɔɔ ŋmɛnɛ lɛ abo toi lɛ hu he.”