Nɔ ni Esa akɛ Owie yɛ Woji Tɛtrɛbii lɛ Ahe

The Watchtower April 1

“Mɛi komɛi heɔ amɛyeɔ akɛ wɔ wɔsɛɛ shihilɛ damɔ shɛɛ mli sane nɔ, ni mɛi krokomɛi hu susuɔ akɛ wɔ diɛŋtsɛ wɔhalaa bɔ ni wɔ wɔsɛɛ baaji aha. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kadimɔ miishɛɛ sane ko ni yɔɔ ŋmalɛ nɛɛ mli. [Kanemɔ Jajelɔi 9:11.] Sane ni yɔɔ biɛ lɛ kɛ Biblia hetoo kɛha sanebimɔ ni ji, ‘Ani ato bɔ ni wɔ wɔsɛɛ baaji lɛ afɔ̃ shi momo’ lɛ haa.” Okɛ sane ni yɔɔ baafa 26 lɛ atsɔɔ lɛ.

Awake! April

“Atseɔ gbala babaoo mli yɛ anɔkwa ni ayeee hewɔ. Ani osusuɔ akɛ kɛ́ akɛ ŋmalɛ nɛɛ tsu nii lɛ, ebaaha gbalashihilɛ lɛ sɛɛ atsɛ? [Kanemɔ Mateo 5:28. No sɛɛ lɛ ŋmɛɛ gbɛ ni eha hetoo.] Sane ni yɔɔ biɛ lɛ tsɔɔ bɔ ni Biblia lɛ baanyɛ aye abua gbalashihilɛ mli hefatalɔi koni amɛkwa anɔkwa ni ayeee yɛ gbalashihilɛ mli lɛ.” Okɛ sane ni jeɔ shishi yɛ baafa 28 lɛ atsɔɔ lɛ.

The Watchtower May 1

“Mɛni osusuɔ akɛ no baaha ewa kɛha mɔ ko akɛ ebaaná Nyɔŋmɔ mli hemɔkɛyeli? [Ŋmɛɛ gbɛ ni eha hetoo.] Ŋmalɛ nɛɛ tsɔɔ akɛ hemɔkɛyeli he miihia. [Kanemɔ Hebribii 11:6.] Wolo tɛtrɛɛ nɛɛ tsɔɔ gbɛ̀i ejwɛ ni wɔbaanyɛ wɔtsɔ nɔ wɔwaje wɔhemɔkɛyeli lɛ.”

Awake! May

“Ŋmɛnɛ lɛ, mɛi babaoo kɛ bɔ ni datrɛfoi tsɔɔ ákɛ akɛ tsofai atsu nii aha lɛ tsuuu nii nakai. Osusuɔ akɛ mɛni hewɔ ebaa lɛ nakai? [Ŋmɛɛ gbɛ ni eha hetoo.] Biblia lɛ tsɔɔ yiŋtoo kome ko hewɔ ni ebaa lɛ nakai, titri lɛ, yɛ gbekɛbii agbɛfaŋ. [Kanemɔ Abɛi 13:20.] Wolo tɛtrɛɛ nɛɛ tsɔɔ bɔ ni obaafee obu bo kɛ oweku lɛ he kɛjɛ shihilɛ nɛɛ he.”