Sanebimɔ He

◼ Mɛɛ woji enyɔ esa ákɛ akɛ Biblia kaselɔi akase?

Biblia lɛ Tsɔɔ wolo lɛ ji dɛŋdade titri ni wɔkɛjeɔ shĩa Biblia mli nikasemɔ shishi ni no nɔŋŋ wɔkɛfeɔ Biblia mli nikasemɔ. Eyɛ mli akɛ ateee shi awooo wolo kroko, tamɔ dɛhiɛmɔ wolo ko ni sa ni akɛaatsu nii kɛje Biblia mli nikasemɔ shishi moŋ, shi esa akɛ abɔ mɔdɛŋ ni atsake kɛya Biblia lɛ Tsɔɔ wolo lɛ mli amrɔ nɔŋŋ. Biblia lɛ Tsɔɔ wolo lɛ ní akɛjeɔ nikasemɔ shishi lɛ ewo yibii kpakpai babaoo.

Esa ákɛ akɛ nikaselɔ ni egbe Biblia lɛ Tsɔɔ wolo lɛ kasemɔ naa ní miiya ehiɛ lɛ akase Já Nyɔŋmɔ wolo lɛ. (Kol. 2:7) Wolo lɛ baafa 2 lɛ tsɔɔ yiŋtoo hewɔ ni afee lɛ mli akɛ: “Biblia lɛ woɔ mɛi fɛɛ ni sumɔɔ Nyɔŋmɔ lɛ hewalɛ koni ‘amɛkɛ amɛjwɛŋmɔ amɔ’ enɔkwalei ni jara wa lɛ ‘nɔkwɔlɛ kɛ emlikwɔlɛ lɛ.’ (Efesobii 3:18) Yiŋtoo nɛɛ hewɔ aŋma nɛkɛ wolo nɛɛ. Wɔyɛ hiɛnɔkamɔ akɛ ebaaye ebua bo koni oda yɛ mumɔŋ ni ewula bo jogbaŋŋ koni onyiɛ gbɛ fintɔŋŋ ni kɛ mɔ yaa wala mli yɛ Nyɔŋmɔ jalɛ jeŋ hee lɛ mli lɛ nɔ.”

Kɛ́ abaptisi nikaselɔ lɛ beni egbeko wolo ni ji enyɔ lɛ kasemɔ naa lɛ, esa ákɛ akɛ lɛ atsá nikasemɔ lɛ nɔ kɛyashi abaagbe wolo lɛ naa. Eyɛ mli akɛ abaptisi nikaselɔ lɛ moŋ, shi mɔ ni kɛ lɛ kaseɔ nii lɛ baaya nɔ ebu be, sɛɛkuu-kɛsaramɔ, kɛ Biblia kasemɔ lɛ he akɔntaa. Shiɛlɔ ni baafata mɔ ni kɛ Biblia kaselɔ lɛ kaseɔ nii lɛ he ni ekɛ ehe baawo nikasemɔ lɛ mli lɛ hu baanyɛ abu be lɛ he akɔntaa.