Kaimɔ lɛ Yeli He Kaimɔi

Esa akɛ onukpai lɛ asusu saji ni nyiɛ sɛɛ nɛɛ ahe jogbaŋŋ kɛ́ amɛmiito Kaimɔ lɛ yeli he gbɛjianɔ:

◼ Nyɛkwɛa jogbaŋŋ ni akɛ okadi nibii lɛ akaha, ja hulu enyɔ shi dã.

◼ Esa akɛ aná aboloo kɛ wein ní sa, ní afee lɛ klalo kɛtsɔ hiɛ.—Kwɛmɔ February 15, 2003 Buu-Mɔɔ lɛ baafa 14-15.

◼ Esa ákɛ akɛ plɛtei, glasei kɛ okpɔlɔ ni sa kɛ enɔhaanɔ kpakpa aba asa lɛ nɔ ní áto amamɔ shi kɛtsɔ hiɛ.

◼ Esa akɛ atsɔ hiɛ aha Maŋtsɛyeli Asa lɛ aloo he kroko ni abaakpe yɛ lɛ atse keŋkeŋ.—km-GA 3/04, bf. 3, kk. 3-5.

◼ Esa akɛ atsɔ hiɛ ahala mɛi ni baakwɛ shitaramɔ nɔ kɛ mɛi ni kɛ okadi nibii lɛ baaha lɛ koni atsɔɔ amɛ amɛnitsumɔi, nifeemɔ gbɛ ni sa ni esa akɛ amɛnyiɛ sɛɛ, kɛ bɔ ni ehe hiaa ni amɛha amɛhesaamɔ kɛ atadewoo afee nɔ ni yɔɔ hiŋmɛi nɔ ni bulɛ yɔɔ he.

◼ Esa akɛ ato gbɛjianɔ koni akɛ okadi nibii lɛ eko ayaha mɔ fɛɛ mɔ ni afɔ lɛ mu ni bɛ gbɔmɔtsoŋ hewalɛ ni nyɛɛɛ aba kaimɔ lɛ shishi lɛ.

◼ Kɛ́ áto gbɛjianɔ koni asafoi ni fa fe ekome kɛ Maŋtsɛyeli Asa kome too lɛ nɔŋŋ atsu nii lɛ, esa akɛ ekomefeemɔ ni sa ahi asafoi lɛ ateŋ bɔni afee ni mɛi akafá babaoo kɛtsĩ gbɛ bɔ ni esaaa yɛ agbó ni atsɔɔ mli kɛbaa lɛ naa, nyiɛmɔhei, kɛ tsɔji amaamɔhe lɛ.

◼ Kɛ́ jeee maŋtsɛyeli Asa lɛ nɔ abaakpe yɛ lɛ, esa akɛ nyɛkwɛ akɛ ayɛ tsɔne ni awieɔ awoɔ mli ni gbɛɔ jogbaŋŋ bɔ ni baaha mɛi fɛɛ ni eba nifeemɔ lɛ shishi lɛ anu mɔ ni baaha wiemɔ lɛ gbee.