Nyɔŋmɔ Maŋtsɛyeli Lɛ—Mɛni Ni?
Mɛi pii sɔleɔ ni Nyɔŋmɔ Maŋtsɛyeli lɛ aba, shi ani obi ohe pɛŋ akɛ, ‘Mɛni ji Nyɔŋmɔ Maŋtsɛyeli lɛ, ni kɛ́ eba lɛ, mɛni ebaafee?’
NAA NƆ NI BIBLIA LƐ KƐƆ:
Mɛni ji Nyɔŋmɔ Maŋtsɛyeli lɛ?
Eji ŋwɛi nɔyeli ko ni enɔyelɔ ji Maŋtsɛ Yesu Kristo.—Yesaia 9:6, 7; Mateo 5:3; Luka 1:31-33.
Mɛni Nyɔŋmɔ Maŋtsɛyeli lɛ baafee?
Ebaafo efɔŋfeemɔ fɛɛ sɛɛ, ni ebaahã mɛi ni baahi shikpɔŋ lɛ nɔ lɛ atoiiaŋ ajɔ amɛ kɛya naanɔ.—Daniel 2:44; Mateo 6:10.
Kɛ́ akɛɛ otao Maŋtsɛyeli lɛ klɛŋklɛŋ lɛ, te atsɔɔ tɛŋŋ?
Etsɔɔ akɛ obaafi Nyɔŋmɔ Maŋtsɛyeli lɛ sɛɛ, ní ohe oye akɛ no pɛ baahã nibii aya lɛ bɔ ni Nyɔŋmɔ taoɔ lɛ yɛ shikpɔŋ lɛ nɔ.—Mateo 6:33; 13:44.