Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Jan. 1

“Ani osusuɔ akɛ Nyɔŋmɔ susuɔ shikpɔŋ lɛ ni afiteɔ lɛ he? [Ŋmɛɛ gbɛ ni eha hetoo. No sɛɛ lɛ kanemɔ Kpojiemɔ 11:18.] Sane ni yɔɔ biɛ lɛ kɛ Ŋmalɛ naa yiŋtoi ni wɔbaanyɛ wɔdamɔ nɔ wɔná wɔsɛɛ be he jwɛŋmɔ kpakpa lɛ haa.” Okɛ sane ni yɔɔ baafa 18 lɛ atsɔɔ lɛ.

Awake! February

“Kɛ́ mɛi babaoo kɛ́ naagbai kpe lɛ, amɛnuɔ he akɛ Nyɔŋmɔ miigbala amɛtoi. Ani onu he nakai pɛŋ? [Ŋmɛɛ gbɛ ni eha hetoo. No sɛɛ lɛ kanemɔ Yakobo 1:13.] Sane ni yɔɔ biɛ lɛ tsɔɔ he tuuntu ni wɔnaagbai lɛ jɛɔ, kɛ nɔ̃ hewɔ ni wɔbaanyɛ wɔná nɔmimaa akɛ etsɛŋ ni wɔnaagbai lɛ asɛɛ baafo lɛ.” Okɛ sane ni jeɔ shishi yɛ baafa 28 lɛ atsɔɔ lɛ.

Buu-Mɔɔ February 1

“Ani osusuɔ akɛ Nyɔŋmɔ kpɛlɛɔ jamɔi fɛɛ nɔ? [Ŋmɛɛ gbɛ ni eha hetoo.] Kadimɔ nɔ ni Yesu wie yɛ biɛ lɛ. [Kanemɔ Mateo 15:8, 9.] Sane ni yɔɔ biɛ lɛ haa wɔleɔ kɛji akɛ Nyɔŋmɔ kpɛlɛɔ jamɔi fɛɛ nɔ.” Okɛ sane ni yɔɔ baafa 9 lɛ atsɔɔ lɛ.

Awake! February

“Bɔ ni ato nibii fɛɛ ni yɔɔ shikpɔŋ lɛ nɔ lɛ ahe gbɛjianɔ aha lɛ tsɔɔ akɛ afee koni ebaa wala yi. Ani osusuɔ akɛ shikpɔŋ lɛ ba trukaa, aloo Bɔlɔ ko ji mɔ ni fee? [Ŋmɛɛ gbɛ ni eha hetoo.] Mɛi babaoo kɛ Biblia mli ŋmalɛ nɛɛ kpãa gbee. [Kanemɔ Lala 104:24.] Wolo tɛtrɛɛ nɛɛ tsɔɔ bɔ ni adebɔɔ nibii ahe nilee kɛ Ŋmalɛi lɛ maa nɔ mi akɛ Bɔlɔ ko yɛ.”