Ani Obaanyɛ Olɛɛ Osɔɔmɔ lɛ Mli?
1. Mɛɛ hiamɔ yɔɔ shiɛmɔ nitsumɔ lɛ he, ni mɛni hewɔ?
1 Beni Yesu na miishɛɛ ní mɛi babaoo jie lɛ kpo yɛ Maŋtsɛyeli sanekpakpa lɛ he lɛ, ekɛɛ ekaselɔi lɛ ní ‘amɛkpa nikpamɔ Nuŋtsɔ lɛ fai, koni ewo nitsulɔi agbɛ kɛba enikpamɔ lɛ mli!’ (Mat. 9:37, 38) Akɛni wɔyɛ nikpamɔ lɛ naagbee be lɛ mli hewɔ lɛ, wɔnitsumɔ lɛ he miihia waa fe be fɛɛ ni eho. Enɛ tsɔɔ akɛ esa akɛ wɔkɛ hiɛdɔɔ asusu bɔ ni wɔɔfee wɔná shiɛmɔ nitsumɔ lɛ mli gbɛfaŋnɔ kɛmɔ shi lɛ he.—Yoh. 14:13, 14.
2. Mɛɛ gbɛ nɔ mɛi komɛi ehere tsɛmɔ kɛha nitsulɔi babaoo yɛ shiɛmɔ nitsumɔ lɛ mli lɛ nɔ?
2 Gbɛ̀i Anɔ ni Wɔɔtsɔ Wɔlɛɛ Wɔshiɛmɔ Nitsumɔ lɛ Mli: Mɛi babaoo enyɛ amɛkɛ amɛhe ewo gbɛgbamɔ nitsumɔ lɛ mli yɛ Yehowa gbɛtsɔɔmɔ kɛ eyelikɛbuamɔ naa. (Lala 26:2, 3; Fil. 4:6) Mɛi komɛi mia amɛhiɛ ni amɛsɔmɔ akɛ gbɛgbalɔi awalɔi nyɔɔŋ kome loo nɔ ni fe nakai yɛ afi lɛ mli. Enɛ fee gbɛ ni sa ni amɛtsɔ nɔ amɛlɛɛ amɛshiɛmɔ nitsumɔ lɛ mli. Miishɛɛ ni anáa yɛ sɔɔmɔ nɛɛ mli lɛ ha amɛteŋ mɛi babaoo kpɛ amɛyiŋ akɛ amɛbaatsɔmɔ daa gbɛgbalɔi.—Bɔf. 20:35.
3. Kɛ́ ósɔmɔ akɛ daa gbɛgbalɔ pɛŋ lɛ, mɛni ekolɛ obaasumɔ ni ofee amrɔ nɛɛ?
3 Ani Obaanyɛ Oje Gbɛgbamɔ Nitsumɔ lɛ Shishi Ekoŋŋ?: Kɛ́ ósɔmɔ akɛ daa gbɛgbalɔ pɛŋ lɛ, ŋwanejee ko bɛ he akɛ okaiɔ miishɛɛ ní oná yɛ nakai be lɛ mli lɛ. Ani okɛ hiɛdɔɔ esusu he okwɛ akɛ obaanyɛ oje gbɛgbamɔ nitsumɔ lɛ shishi ekoŋŋ? Ekolɛ nibii ni ha okɛ gbɛgbamɔ nitsumɔ lɛ fɔ̃ shi lɛ jeee naagba dɔŋŋ. Ekolɛ be ni esa akɛ okɛ ohe awo hegbɛ krɛdɛɛ nɛɛ mli lɛ eshɛ ekoŋŋ.—1 Yoh. 5:14, 15.
4. Mɛɛ hegbɛ krɛdɛɛ naa egbele eha wɔ fɛɛ?
4 Nikpamɔ nitsumɔ lɛ eshɛ shɔŋŋ, ni etsɛŋ ni ebaaba naagbee. (Yoh. 4:35, 36) Eba akɛ wɔ fɛɛ wɔɔpɛi wɔshihilɛi amli wɔkwɛ kɛji akɛ wɔbaanyɛ wɔfee tsakemɔi komɛi bɔni afee ni wɔlɛɛ wɔshiɛmɔ nitsumɔ lɛ mli. Aloo kɛji eyɛ faŋŋ akɛ wɔnyɛŋ wɔlɛɛ wɔshiɛmɔ nitsumɔ lɛ mli lɛ, ani wɔbaanyɛ wɔtaoɔ gbɛ̀i komɛi anɔ ní wɔɔtsɔ wɔha emɔ shi jogbaŋŋ? (Mar. 12:41-44) Eji hegbɛ kpele kɛha mɛi fɛɛ ni amɛshihilɛ baaŋmɛ amɛgbɛ amrɔ nɛɛ ni amɛha Yehowa kɛ amɛ atsu nii yɛ hegbɛ krɛdɛɛ nɛɛ mli!—Lala 110:3.