The Bible—Accurate History, Reliable Prophecy

Mɛɛ odaseyelii yɔɔ ni tsɔɔ akɛ Biblia lɛ ja yɛ yinɔsane naa? Mɛɛ Biblia mli gbalɛi komɛi eba mli ni haa wɔnáa nɔmimaa akɛ gbalɛi krokomɛi ni kɔɔ wɔsɛɛ he lɛ hu baaba mli? Kɛ́ okwɛ vidio ni ji The Bible—Accurate History, Reliable Prophecy, vidio ni ji etɛ nɔ yɛ The Bible—A Book of Fact and Prophecy DVD lɛ nɔ lɛ, obaaná sanebimɔi nɛɛ ahetoo. Kɛ́ okwɛ vidio nɛɛ ogbe naa lɛ, ani obaanyɛ oha sanebimɔi nɛɛ ahetoo?

(1) Namɔ ŋɔɔ Biblia mli saji ni anyɛɔ amuɔ afɔ̃ɔ nɔ lɛ jɛ? (Dan. 2:28) (2) Mɛɛ gbɛ nɔ nɔ ni Biblia lɛ wieɔ yɛ blema Mizraim he lɛ ja pɛpɛɛpɛ, ni mɛɛ gbɛ nɔ gbalɛ ni yɔɔ Yesaia 19:3, 4 lɛ ba mli? (3) Mɛɛ gbɛ nɔ blema nibii amlitaolɔi ema nɔ ni Biblia lɛ wieɔ yɛ Ashur, amɛmaŋtsɛmɛi, kɛ Ashur hiɛkpatamɔ he lɛ nɔ mi? (Nah. 3:1, 7, 13) (4) Mɛɛ gbalɛi ni kɔɔ Babilon he eba mli? (Yer. 20:4; 50:38; 51:30) (5) Mɛɛ gbalɛi ni kɔɔ Medo-Persia he eba mli? (Yes. 44:28) (6) Mɛɛ gbɛ nɔ Daniel 7:6 kɛ 8:5, 8 lɛ ni kɔɔ Hela he lɛ ba mli? (7) Mɛɛ gbɛ nɔ Daniel 7:7 lɛ ba mli beni Roma batsɔ jeŋ hewalɛ lɛ? (8) Mɛɛ Kaisare srɔtoi atsi amɛtã yɛ Biblia lɛ mli? (9) Mɛni ba Kristofoi lɛ anɔ beni Nero yeɔ nɔ lɛ? (10) Mɛɛ gbɛ nɔ gbalɛi ni yɔɔ Kpojiemɔ 13:11 kɛ 17:9b, 10 lɛ ba mli? (11) Namɔ ji maŋtsɛ ni ji kpaanyɔ lɛ? (12) Mɛɛ nifeemɔi yɔɔ vidio lɛ mli ni tsɔɔ akɛ wiemɔi ni yɔɔ Jajelɔ 8:9 lɛ ji anɔkwale diɛŋtsɛ? (13) Mɛɛ gbalɛi ni kɔɔ wɔsɛɛ he ookpa gbɛ waa ni amɛba mli? (14) Mɛɛ gbɛ nɔ obaanyɛ okɛ vidio nɛɛ atsu nii kɛye obua mɛi krokomɛi ni amɛna akɛ Biblia lɛ jɛ Nyɔŋmɔ ŋɔɔ?