Sanebimɔ He

◼ Ani esa akɛ asɔle kɛ́ akɛ mɔ ko miifee Biblia mli nikasemɔ yɛ shinaa naa?

Sɛɛnamɔi babaoo yɛ sɔlemɔ ni akɛbaaje Biblia mli nikasemɔ shishi ni akɛmu naa hu lɛ he. Kɛ́ wɔsɔle kɛje shishi lɛ, wɔmiibi Yehowa ni ekɛ emumɔ krɔŋkrɔŋ lɛ aye abua wɔ yɛ nikasemɔ lɛ mli. (Luka 11:13) Sɔlemɔ hu haa mɔ ni wɔkɛkaseɔ nii lɛ naa hiɛdɔɔ ni yɔɔ Biblia nikasemɔ he, ni etsɔɔ lɛ bɔ ni asɔleɔ. (Luka 6:40) Enɛ hewɔ lɛ, ehi jogbaŋŋ akɛ wɔkɛ mɔ ni wɔkɛkaseɔ nii lɛ baabɔi sɔlemɔ beni wɔna akɛ nikasemɔ lɛ baaya nɔ. Kɛlɛ, akɛni esoro shihilɛ fɛɛ shihilɛ hewɔ lɛ, esa akɛ mɔ ni feɔ nikasemɔ lɛ kɛ hiɛshikamɔ atsu nii ni ele kɛji esa akɛ esɔle kɛ́ eefee Biblia mli nikasemɔ yɛ shinaa naa.

Nɔ ko ni he hiaa ni esa akɛ asusu he jogbaŋŋ ji, he ni afeɔ nikasemɔ lɛ yɛ lɛ. Abaanyɛ akɛ be kukuoo asɔle kɛje nikasemɔ lɛ shishi ni akɛmu naa kɛji mɛi bɛ jɛmɛ tsɔ. Shi, kɛji sɔlemɔ lɛ baagbala mɛi ajwɛŋmɔ loo ebaagba mɔ ni akɛkaseɔ nii lɛ naa lɛ, ebaahi jogbaŋŋ akɛ abaamɛ kɛyashi abaaná he ko ni hi ni mɛi bɛ jɛmɛ tsɔ ni abaanyɛ akase nii lɛ yɛ jɛmɛ. He fɛɛ he ni wɔkɛ mɔ ko baakase nii lɛ yɛ lɛ, esa akɛ wɔkɛ hiɛshikamɔ atsu nii kɛkwɛ be ni esa akɛ wɔbɔi sɔlemɔ.—Kwɛmɔ March 2005 Wɔ Maŋtsɛyeli Sɔɔmɔ lɛ baafa 8.