Ani Eyɛ Hiŋmɛi Nɔ?

Enɛ ji sane ko ni sa jogbaŋŋ ni esa akɛ wɔbi wɔhe kɛ́ wɔmiitao wɔkɛ wɔwoji lɛ ateŋ eko fɛɛ eko aha. Wolo fɛɛ wolo ni naabu ekua, egbɔ, nibii eka mli, loo etserɛ lɛ baagbe asafo lɛ he guɔ, ni ehaŋ shiatsɛ lɛ aná bulɛ kɛha shɛɛ sane ni hereɔ mɔ yiwala ni yɔɔ mli lɛ.

Te wɔɔfee tɛŋŋ wɔha wɔwoji lɛ ahe atse? Mɛi babaoo ena akɛ ehi akɛ amɛaato woji lɛ jogbaŋŋ amɛwo baagi ni amɛkɛyaa shiɛmɔ lɛ mli. Akɛ nɔkwɛmɔnɔ lɛ, esoro he ni amɛkɛ woji wuji woɔ, esoro he ni amɛkɛ woji tɛtrɛbii kɛ woji bibii woɔ, ni esoro he ni amɛkɛ dɛhiɛmɔ woji, kɛ nibii krokomɛi hu woɔ. Be fɛɛ be kɛ́ amɛmiiku sɛɛ amɛkɛ amɛ-Biblia lɛ kɛ wolo ni amɛkɛtsu nii lɛ miiwo amɛbaagi lɛ mli lɛ, amɛfeɔ lɛ blɛoo bɔ ni haŋ woji lɛ afite. Shiɛlɔi komɛi kɛ amɛwoji lɛ woɔ rɔba faili mli. Ekɔɔɔ he eko enɛɛmɛi ateŋ nɔ ni wɔkɛbaatsu nii lɛ, esaaa akɛ wɔkɛ woji ni efite haa mɔ ko, bɔ ni baaha ená nɔ ko edamɔ nɔ kɛgbe wɔsɔɔmɔ lɛ he guɔ.—2 Kor. 6:3.