Maa Biblia Mli Nikasemɔi ni Aaaje Shishi yɛ Klɛŋklɛŋ Hɔɔ lɛ nɔ lɛ Nɔ Mi

Kɛjɛ May 2011 lɛ, awo shiɛlɔi hewalɛ ni amɛbɔ mɔdɛŋ akɛ amɛbaaje Biblia mli nikasemɔi ashishi yɛ klɛŋklɛŋ Hɔɔ ni yɔɔ nyɔɔŋ fɛɛ nyɔɔŋ mli lɛ nɔ. Bɔni afee ni wɔnyɛ wɔtsu enɛ he nii lɛ, akɛ sane ko ni yitso ji “Sanebimɔi ni Biblia lɛ Eha Hetoo” lɛ woɔ Buu-Mɔɔ ni ji maŋbii anɔ̃ lɛ mli daa nyɔɔŋ nɔ. No hewɔ lɛ, kɛ́ aafee kpee kɛha shiɛmɔyaa yɛ klɛŋklɛŋ Hɔɔ lɛ nɔ lɛ, esa akɛ asusu bɔ ni abaanyɛ akɛ sane nɛɛ atsu nii kɛje Biblia mli nikasemɔi ashishi lɛ he, ni afee he nɔkwɛmɔnɔ.

Asafoŋ onukpai lɛ baanyɛ aha shiɛmɔyaa kui lɛ fɛɛ akpe yɛ amɛkpeehei lɛ yɛ klɛŋklɛŋ Hɔɔ lɛ nɔ, loo amɛbaanyɛ amɛha kui lɛ fɛɛ abakpe kutuu, ekolɛ, yɛ Maŋtsɛyeli Asa lɛ nɔ. Kɛlɛ, kɛ́ asafoi fe ekome kpeɔ yɛ Maŋtsɛyeli Asa ko nɔ lɛ, esaaa akɛ asafo ko tsakeɔ gbi krɛdɛɛ ni akɛjeɔ Biblia mli nikasemɔi ashishi nɛɛ kɛyaa gbi kroko nɔ kɛsusumɔ akɛ no baaha anyɛ akpe kutuu kɛha shiɛmɔyaa.