Wɔtsɔɔmɔi ni Kɔɔ Afi 1914 lɛ He lɛ Amligbalamɔi

Ŋmalɛ lɛ woɔ wɔ hewalɛ ni ‘wɔsaa wɔhe wɔto koni wɔná hetoo’ wɔhã mɛi ni biɔ wɔhemɔkɛyeli lɛ he sane lɛ, ní wɔkɛ ‘mlijɔlɛ kɛ bulɛ ni mli kwɔ’ afee nakai. (1 Pet. 3:15) Eji anɔkwale akɛ ekolɛ ebaawa kɛhã wɔ akɛ wɔɔgbala Biblia mli anɔkwalei ni mli kwɔlɔ tamɔ bɔ ni fee ni wɔle akɛ Maŋtsɛyeli lɛ bɔi nɔyeli yɛ afi 1914 lɛ mli lɛ nɛkɛ. Bɔ ni afee ni wɔnyɛ wɔgbala sane nɛɛ mli lɛ, ato sane ko ni hiɛ fãi enyɔ ni yitso ji, “Sane ko ní Odasefonyo ko kɛ Mɔ ko Gba​—Mɛɛ Be Nyɔŋmɔ Maŋtsɛyeli lɛ Bɔi Nɔyeli?” lɛ he gbɛjianɔ. Saji nɛɛ je kpo yɛ Buu-Mɔɔ ni wɔkɛtsuɔ nii yɛ shiɛmɔ nitsumɔ lɛ mli lɛ mli, yɛ October kɛ November mli. Be ni opɛiɔ saji nɛɛ amli lɛ, susumɔ sanebimɔi ni nyiɛ sɛɛ nɛɛ ni kɔɔ gbɛ ni Cameron, ni ji shiɛlɔ lɛ kɛtsu nii lɛ he lɛ ahe.

Mɛɛ gbɛ nɔ . . . 

• ekɛ yijiemɔ tsu nii ni ekɛhã gbeekpamɔ ba amɛteŋ?​—Bɔf. 17:22.

• ejie heshibaa kpo be ni egbalaa ehemɔkɛyeli lɛ mli lɛ?​—Bɔf. 14:15.

Mɛni hewɔ ehi akɛ . . . 

• be kɛ beaŋ lɛ etiɔ otii ni amɛwie he momo lɛ amli dani ewieɔ otii krokomɛi ahe lɛ?

• be kɛ beaŋ lɛ ebiɔ shiatsɛ lɛ, kɛ́ kɛbashi he ni amɛshɛ lɛ enu nibii ni egbala mli lɛ ashishi lɛ?

• yɛ shitamɔ kome mli lɛ, ebɔɔɔ mɔdɛŋ akɛ ekɛ lɛ baasusu nibii babaoo ahe lɛ?—Yoh. 16:12.

Kwɛ bɔ ni wɔdaa Yehowa ‘wɔ-Tsɔɔlɔ Kpeteŋkpele’ lɛ shi waa, akɛ etsɔɔ wɔ bɔ ni wɔɔfee wɔgbala Biblia mli anɔkwalei ni mli kwɔlɔ lɛ amli wɔhã mɛi ni anɔkwale lɛ he hɔmɔ yeɔ amɛ lɛ!​—Yes. 30:20.