Ná Hesai Pii yɛ Shiɛmɔ Nitsumɔ lɛ Mli​—Bɔ ni Ooofee Oye Mɔ ko ni Wieɔ Wiemɔ Kroko lɛ Odase

Nɔ Hewɔ ni Ehe Hiaa: Yehowa miisumɔ ni mɛi ni jɛ “jeŋmaŋ fɛɛ jeŋmaŋ” lɛ ale anɔkwale lɛ. (Bɔf. 10:34, 35) Enɛ hewɔ lɛ, Yesu tsɔɔ akɛ abaashiɛ sane kpakpa lɛ atsɔɔ “jeŋmaji lɛ fɛɛ” yɛ “shikpɔŋ lɛ nɔ fɛɛ.” (Mat. 24:14) Zakaria gba akɛ mɛi ni “jɛ jeŋmaji anɔ wiemɔi srɔtoi fɛɛ mli” lɛ baakpɛlɛ sane kpakpa lɛ nɔ. (Zak. 8:23) Ninaa ni ajie kpo atsɔɔ Yohane lɛ tsɔɔ akɛ, mɛi ni baaje amanehulu kpeteŋkpele lɛ mli ji, aŋkroaŋkroi ni “jɛ jeŋmaŋ fɛɛ jeŋmaŋ kɛ weku fɛɛ weku kɛ gbɔmɛi srɔtoi fɛɛ kɛ wiemɔ fɛɛ wiemɔ mli.” (Kpoj. 7:9, 13, 14) Yɛ otii nɛɛ ahewɔ lɛ, kɛ́ wɔkɛ mɔ ko ni wieɔ wiemɔ kroko kpe yɛ shiɛmɔ nitsumɔ lɛ mli lɛ, esa akɛ wɔbɔ mɔdɛŋ fɛɛ ni wɔɔnyɛ koni wɔye lɛ odase.