Ani Obaasumɔ Ni Okɛ Obe Kɛ Ohewalɛ Ashã Afɔle?

Tamɔ bɔ ni Yesaia gba lɛ, wɔmiina akɛ Yehowa gbɛjianɔtoo lɛ fã ni yɔɔ shikpɔŋ lɛ nɔ lɛ miishwere fe bei fɛɛ ni eho. (Yes 54:2) Enɛ hewɔ lɛ, ehe ebahia ni amamɔ Maŋtsɛyeli Asai, Kpee Asai, kɛ nitsumɔhe niji tsũi. Kɛ́ amamɔ tsũi nɛɛ agbe naa lɛ, ehe baahia ni akura amɛ, ni kɛ́ be shwie mli lɛ, ehe bahiaa ni afee tsakemɔi wuji yɛ ekomɛi ahe. Mɛɛ hegbɛi enɛ hãa wɔnáa koni wɔkɛ wɔbe kɛ wɔhewalɛ ashã afɔle wɔhã Yehowa?

• Kɛ́ eshɛ wɔshiɛmɔyaa kuu lɛ nɔ kɛ Maŋtsɛyeli Asa lɛ nɔ saamɔ lɛ, wɔbaanyɛ wɔkɛ wɔhe awo mli

• Wɔbaanyɛ wɔkɛ wɔhe ahã ni atsɔse wɔ ni wɔkura wɔ-Maŋtsɛyeli Asa lɛ

• Wɔbaanyɛ wɔfiili Local Design/Construction Volunteer Application (DC-50) fɔm lɛ eko, koni wɔyaye wɔbua kɛmamɔ tsũi loo ni akura tsũi yɛ he ni bɛŋkɛ wɔ

• Wɔbaanyɛ wɔfiili Application for Volunteer Program (A-19) fɔm lɛ eko, koni wɔkɛ wɔhe ahã ni wɔkɛ otsi loo nɔ ni fe nakai ayaye abua kɛtsu nii yɛ Betel loo nitsumɔhe nine lɛ nitsumɔhe kroko

KWƐMƆ VIDIO NI JI, TSU KROKO NI ASAFO LƐ MIITO GBƐJIANƆ NI EMA​—VIDIO LƐ FÃ KO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Kɛjɛ afi 2014 kɛbaa lɛ, mɛɛ tsakemɔ kpele eba bɔ ni wɔkɛ vidioi tsuɔ nii wɔhãa lɛ mli?

• Akɛni ehe ebahia ni afee vidioi babaoo hewɔ lɛ, mɛɛ tsũ aato gbɛjianɔ ni ama, mɛɛ be ato akɛ abaaje shishi, ni mɛɛ be aakpa gbɛ akɛ abaagbe naa?

• Mɛɛ gbɛ nɔ mɛi krokomɛi baanyɛ aye abua kɛtsu nitsumɔ nɛɛ?

• Kɛ́ wɔmiisumɔ ni wɔyaye wɔbua kɛma asafo lɛ tsũ wulu ko lɛ, mɛni hewɔ esa akɛ wɔfiili gbɛbimɔ fɔm (DC-50), ni wɔyaye wɔbua kɛmamɔ Local Design/Construction tsũi yɛ he ni bɛŋkɛ wɔ lɛ?

• Mɛɛ odaseyelii ehã ana akɛ, Yehowa nine yɛ tsũ ni atoɔ gbɛjianɔ ni ama nɛɛ mli?

• Kɛ́ shihilɛ ni wɔyɔɔ mli lɛ hewɔ lɛ wɔnyɛŋ wɔkɛ wɔhe ahã ni wɔyaye wɔbua kɛma tsũ nɛɛ, mɛɛ gbɛ nɔ wɔbaanyɛ wɔtsɔ wɔfi sɛɛ?