Bɔ Ni Esa Akɛ Okɛ Otii Kɛhã Sanegbaa Lɛ Atsu Nii Ahã

Asusuɔ nii ahe waa dani asɔ̃ɔ otii kɛhã sanegbaa lɛ, ni shiɛlɔi pii ena akɛ eyeɔ ebuaa amɛ waa yɛ amɛshikpɔŋkuku lɛ mli. Shi akɛni he fɛɛ he kɛ shihilɛ ni yɔɔ jɛmɛ hewɔ lɛ, shiɛlɔi baanyɛ amɛkɛ gbɛ kroko loo saneyitso kroko ni mɛi ni yɔɔ he ni amɛyɔɔ lɛ baanya he lɛ atsu nii yɛ shiɛmɔ nitsumɔ lɛ mli. Shi kɛji aafã ta krɛdɛɛ ko lɛ, esa akɛ wɔteŋ mɔ fɛɛ mɔ kɛ gbɛtsɔɔmɔ ni akɛhã lɛ atsu nii. Oti ni ma wɔhiɛ ji, ni wɔtsu nitsumɔ ni Yesu kɛwo wɔdɛŋ akɛ wɔshiɛ Maŋtsɛyeli lɛ he sane kpakpa lɛ.​—Mat 24:14.

Kɛ́ skulbii lɛ miifee asaimɛnt lɛ, esa akɛ amɛkɛ sane ni otii kɛhã sanegbaa lɛ wieɔ he ni yɔɔ Wɔshiɛmɔ Kɛ Wɔshihilɛ Kpee Nifeemɔ Wolo lɛ mli lɛ atsu nii. Shi amɛbaanyɛ amɛtsake sanebimɔ, ŋmalɛ, sanebimɔ ni amɛbaashi amɛhã shiatsɛ lɛ, loo shihilɛ ni akɛɛ amɛtsu he nii lɛ kɛ́ amɛna akɛ no baamɔ shi yɛ he ni amɛyɔɔ lɛ, ja atsɔɔ akɛ amɛfee nɔ ko pɔtɛɛ. Akɛ gbɛtsɔɔmɔ nɛɛ miiye nɔ ni akɛhã yɛ June 2020 kpee nifeemɔ wolo lɛ baafa 8 lɛ najiaŋ.