Obaana Ŋaawoi Kpakpai Kɛhã Shihilɛ Yɛ JW.ORG Lɛ Nɔ

Nyɔŋmɔ Wiemɔ lɛ saa wɔ jogbaŋŋ koni wɔnyɛ wɔdamɔ naagbai ni wɔkɛkpeɔ yɛ naagbee gbii ni mli shihilɛ wa nɛɛ amli lɛ anaa. (2Ti 3:1, 16, 17) Loloolo lɛ, bei komɛi lɛ ehe bahiaa ni wɔna bɔ ni wɔbaafee wɔna Biblia mli shishitoo mlai ni kɔɔ shihilɛ pɔtɛɛ ko he. Akɛ nɔkwɛmɔnɔ lɛ, ani oji fɔlɔ ni miitao bitsɔsemɔ he ŋaawoo? Ani oji oblanyo loo oblayoo ni kɛ ohemɔkɛyeli lɛ he kai miikpe? Ani ooye awerɛho akɛni owu loo oŋa egbo lɛ hewɔ? Kɛ́ otee jw.org lɛ nɔ lɛ, obaana saji ni wieɔ Biblia mli shishitoo mlai ni kɔɔ shihilɛ nɛɛ kɛ ekrokomɛi ahe lɛ he yɛ jɛmɛ.​—Abɛ 2:3-6.

Klikimɔ BIBLIA TSƆƆMƆI tab lɛ yɛ he ni anaa klɛŋklɛŋ kɛ́ atee jw.org lɛ nɔ lɛ. (Kwɛmɔ mfoniri 1.) No sɛɛ lɛ, klikimɔ fãi srɔtoi ni onaa lɛ ateŋ nɔ ni osumɔɔ. Loo klikimɔ WOJI KƐ NIBII > SAJI, ni no sɛɛ lɛ, okliki fãi srɔtoi ni onaa lɛ ateŋ nɔ ni osumɔɔ. (Kwɛmɔ mfoniri 2.) Obaana fãi srɔtoi nɛɛ nɔŋŋ yɛ JW Library^®a lɛ nɔ. Obaanyɛ oyakwɛ saji nɛɛ yɛ jw.org lɛ nɔ loo yɛ JW Library^® lɛ nɔ. Obaanyɛ okɛ adeka ni aŋma “Taomɔ” lɛ yɛ mli ni yɔɔ jw.org lɛ nɔ lɛ hu atao saji.

Taipimɔ saneyitsei ni nyiɛ sɛɛ nɛɛ yɛ adeka ni aŋma “Taomɔ” lɛ yɛ mli lɛ mli, ni oŋmala saji ni obaasumɔ ni okane lɛ.

• Bii atsɔsemɔ

• Sutsakemɔ

• Suɔlɔ ko gbele