Nɔ Ko Ni Obaanyɛ Okase

Bɔ Ni Obaafee Okɛ “Nibii Hee Ni Akɛwo Nɔ” Lɛ Atsu Nii Jogbaŋŋ

Yɛ jw.org kɛ JW Library^® lɛ nɔ lɛ, ayɛ fã ko ni atsɛɔ lɛ “Nibii Hee Ni Akɛwo Nɔ” loo “What’s New.” Fã nɛɛ hãa wɔnaa nibii hei ni akɛwo jw.org loo JW Library lɛ nɔ. Mɛɛ gbɛ nɔ obaanyɛ okɛ fã nɛɛ atsu nii jogbaŋŋ koni onyɛ ole saji hei loo nibii hei ni akɛwo nɔ lɛ?

JW Library

• Kɛ́ otee fã ni ji “Article Series” lɛ, obaana ni ato saji lɛ anaa kuikui, ni saji srɔtoi yɛ kuu fɛɛ kuu mli. Yɛ be kɛ beiaŋ lɛ, akɛ saji hei fataa saji ni yɔɔ kui nɛɛ amli lɛ ahe. Be fɛɛ be ni abaafee nakai lɛ, kuu ni akɛ sane hee lɛ wo mli lɛ jieɔ ehiɛ kpo yɛ fã ni ji “What’s New” lɛ shishi, ni obaanyɛ odaunlodi. Kɛ́ odaunlodi ogbe naa lɛ, gbelemɔ nakai kuu lɛ. Obaana ni aŋma deeti yɛ yiteŋgbɛ. Kɛ́ onyɛ nɔ lɛ, sane hee fe fɛɛ ni eba lɛ baayaje ŋwɛigbɛ.

• Bei pii lɛ, onyɛŋ okane woji hei ni eba, tamɔ magazin nɛkɛ lɛ fɛɛ yɛ shitamɔ kome pɛ mli. Mɛni obaanyɛ ofee koni onyɛ ona nakai magazin lɛ ekoŋŋ koni otsa nɔ yɛ he ni oshɛ lɛ? Obaanyɛ okɛ nakai magazin lɛ afata fã ni ji, Favorite lɛ he kɛyashi obaakane ogbe naa.

JW.ORG

Saji tamɔ amaniɛbɔi kɛ adafitswai komɛi jeɔ kpo yɛ jw.org lɛ nɔ pɛ; onaŋ yɛ JW Library lɛ nɔ. No hewɔ lɛ, fɔɔ fã ni ji, “Nibii Hee Ni Akɛwo Nɔ” loo “What’s New” ni yɔɔ jw.org lɛ nɔ lɛ kwɛmɔ koni ole saji hei ni eba.