Kasemɔ Nii Kɛjɛ Mfonirii Lɛ Amli

Wɔbaanyɛ wɔkase nii kɛjɛ mfonirii pii ni yɔɔ wɔwoji lɛ amli lɛ amli. Mɛni baaye abua bo ni oná mfonirii nɛɛ ahe sɛɛ jogbaŋŋ?

• Tsɔ hiɛ okwɛ mfonirii ni yɔɔ nikasemɔ lɛ mli lɛ fɛɛ dani oje ekanemɔ shishi. Kɛ́ okwɛ mfonirii lɛ, no baanyɛ ahã oshwe waa akɛ okane sane lɛ. Bɔ ni kɛ́ ohiŋmɛi gba niyenii ko ni ŋɔɔ nɔ lɛ osɛŋ shwieɔ nu lɛ, nakai nɔŋŋ kɛ́ otsɔ hiɛ okwɛ mfonirii lɛ obaaná he miishɛɛ waa akɛ okane sane lɛ. No hewɔ lɛ, dani obaakane sane ko lɛ bi ohe akɛ, ‘Mɛni minaa yɛ mfoniri lɛ mli?’—Amos 7:​7, 8.

• Kɛ́ agbɛnɛ obɔi nikasemɔ lɛ mli kanemɔ lɛ, bi ohe akɛ, ‘Mɛni hewɔ akɛ mfoniri nɛɛ wo nikasemɔ lɛ mli?’ Kɛ́ aŋma nɔ ko yɛ mfoniri lɛ he loo atsɔɔ nɔ ni yaa nɔ yɛ mli lɛ, kanemɔ. Kwɛmɔ akɛ, te mfoniri lɛ kɔɔ nɔ ni asusuɔ he lɛ he ehãa tɛŋŋ, ni mɛɛ gbɛ nɔ obaanyɛ okɛ nɔ ni okaseɔ yɛ mli lɛ atsu nii yɛ oshihilɛ mli.

• Kɛ́ okase nii lɛ ogbe naa lɛ, kwɛmɔ mfonirii lɛ ekoŋŋ ni okwɛ akɛ obaakai otii ni yɔɔ nikasemɔ lɛ mli lo. No sɛɛ lɛ, ŋa ohiŋmɛi ni okwɛ akɛ obaanyɛ okai mfoniri lɛ kɛ nɔ ni okase yɛ mli lɛ lo.

• Kwɛmɔ mfonirii ni yɔɔ magazin nɛɛ mli lɛ ekoŋŋ ni okwɛ akɛ obaakai otii ni okase yɛ mli lɛ lo.