Ani Harmagedon Baaje Shishi Yɛ Israel?​—Mɛni Biblia Lɛ Kɛɔ Yɛ He?

Biblia lɛ wieɔ Harmagedon he akɛ ta ni baaya nɔ yɛ jeŋ fɛɛ, ni adesai nɔyelii fɛɛ baafee ekome amɛwu amɛshi Nyɔŋmɔ, shi ejeee ta ni baaya nɔ yɛ he ko fioo ko kɛkɛ.

• ‘Wiemɔi ni jɛ daimonioi aŋɔɔ yaa shikpɔŋ muu lɛ fɛɛ nɔ maŋtsɛmɛi lɛ aŋɔɔ, koni amɛyabua amɛnaa kɛya Nyɔŋmɔ Ofe lɛ gbi wulu lɛ nɔ ta lɛ. Amɛbua maŋtsɛmɛi lɛ anaa kɛtee he ko ni atsɛɔ jɛmɛ yɛ Hebri mli akɛ Harmagedon.’​—Kpojiemɔ 16:14, 16.

Aná wiemɔ “Harmagedon” lɛ kɛjɛ Hebri wiemɔ Har Meghid·dohnʹ, ni shishi ji “Megido Gɔŋ” lɛ mli. No mli lɛ, Megido ji maŋ ko ni yɔɔ Israel kpokpaa lɛ nɔ. Enɛ hewɔ lɛ, mɛi komɛi susuɔ akɛ abaawu Harmagedon ta lɛ yɛ Israel. Shi he ko he ko bɛ Megido kpokpaa lɛ loo Middle East niiaŋ ni da bɔ ni “shikpɔŋ muu lɛ fɛɛ nɔ maŋtsɛmɛi lɛ” kɛ amɛsraafoi lɛ baaho jɛmɛ.

Aŋma Kpojiemɔ wolo lɛ yɛ “okadii,” loo mfonirifeemɔŋ wiemɔi amli. (Kpojiemɔ 1:1) Harmagedon etsɔɔɔ shikpɔŋ lɛ nɔ he ko diɛŋtsɛ, shi moŋ etsɔɔ shihilɛ ko ni baaya nɔ yɛ jeŋ fɛɛ, be ni majimaji lɛ baabua amɛhe naa koni amɛte shi naagbee nɔ amɛwo Nyɔŋmɔ nɔyeli lɛ.​—Kpojiemɔ 19:11-16, 19-21.