Yiŋtoi Ahewɔ ni Wɔyɔɔ Miishɛɛ

1. Yiŋtoi pii ’hewɔ wɔyɔɔ miishɛɛ,

Amɛtamɔ jwetrii diɛŋtsɛ.

Jeŋmaji anii ni j’ra wa lɛ

Kɛ amɛhe miidɔmɔ wɔ.

Wɔtsuiŋ miishɛɛ lɛ ja kɛmɔ shi,

Eshishifã yɛ Biblia mli.

Wɔkɛ emli tsɔɔmɔi lɛɔ wɔhe;

Toiboo haa hemɔkɛyeli.

Wɔmiishɛɛ damɔ yiŋtoi krɔŋŋ nɔ,

Tamɔ lasrɛ̃mi yɛ wɔtsuiŋ.

Tsɛ wɔkɛ naagbai kɛ kai kpeɔ daa,

Shi Yehowa haa wɔfiɔ shi.

2. Wɔkɛ miishɛɛ kwɛɔ ebɔɔ nii lɛ,

Ŋwɛi kple, ŋshɔ, kɛ shikpɔŋ lɛ.

Wɔkwɛɔ adebɔɔ wolo lɛ mli,

Wɔjieɔ eyi yɛ enɛ he.

Wɔkɛ miishɛɛ yeɔ odase daa,

Wɔshiɛɔ Nyɔŋmɔ Maŋtsɛyeli.

Wɔkɛ miishɛɛ shiɛɔ emli jɔɔmɔi

Wɔtsɔɔ yɛ shikpɔŋ lɛ nɔ fɛɛ.

Miishɛɛ ni sɛɛ efoŋ miibɛŋkɛ,

Tamɔ leebi nyiɛɔ gbɛkɛ sɛɛ.

Shiwoo shikpɔŋ hee kɛ ŋwɛi hee lɛ

Baaha wɔná naanɔ miishɛɛ.