Lala 57
Mitsuiŋ Susumɔi
Nɔ Ni Aprinti
(Lala 19:15)
1. Nuŋtsɔ, ha mitsuiŋ susumɔi,
Nibii ni misusuɔ he daa—
Asa ohiɛ jogbaŋŋ diɛŋtsɛ,
Ha mahi ogbɛ krɔŋŋ lɛ nɔ.
Kɛ́ naagbai hé mijwɛŋmɔ fɛɛ
Ni wɔ tete bɔ mi nyɔɔŋ fɛɛ,
No lɛ ha masusu ohe
Ni majwɛŋ jalɛ nii anɔ.
2. Ha nii ni he tse ni ja hu,
Nii fɛɛ ni ji jeŋba kpakpa,
Nii ni yɔɔ gbɛi kpakpa diɛŋtsɛ—
Anɔjwɛŋmɔ awo mitsui.
Nyɔŋmɔ, ojwɛŋmɔi anɔ bɛ!
Anyɛŋ amɛnaa atsɔɔ kwraa.
Ha majwɛŋ owiemɔi anɔ,
Ha amɛbote mitsuiŋ tɔ̃ɔ.
(Kwɛmɔ Lala 49:4; 63:7; 139:17, 23; Fil. 4:7, 8; 1 Tim. 4:15 hu.)