Mɛni Obaafee yɛ Hejɔɔmɔ Gbii lɛ Anɔ?

Akɛni mɛi pii hiɔ shĩa ni amɛyaaa nitsumɔ yɛ jamɔŋ kɛ maŋ hejɔɔmɔ gbii anɔ hewɔ lɛ, bei nɛɛ ji bei ni sa jogbaŋŋ ni wɔkɛaaya shiɛmɔ. Aawo asafoi lɛ hewalɛ koni amɛto gbɛjianɔ krɛdɛɛ kɛha odaseyeli yɛ hejɔɔmɔ gbii anɔ. Kɛ́ mɛi ni yɔɔ shikpɔŋkuku lɛ mli lɛ ateŋ mɛi babaoo eteŋ shi mra taakɛ amɛfɔɔ feemɔ lɛ, no lɛ, esa akɛ atsi be ni akɛyaa shiɛmɔ lɛ kɛya hiɛ fioo. Kɛ́ ato gbɛjianɔ krɛdɛɛ kɛha odaseyeli yɛ hejɔɔmɔ gbi ko nɔ lɛ, ekolɛ abaatswa he adafi be mli ni afeɔ Sɔɔmɔ Kpee lɛ, ni abaawo mɛi ni baanyɛ lɛ fɛɛ hewalɛ koni amɛkɛ amɛhe awo mli. Eji anɔkwale akɛ hejɔɔmɔ gbii haa wɔnáa be kɛjɔɔ wɔhe ni wɔkɛtsuɔ wɔ diɛŋtsɛ wɔnibii krokomɛi. Shi, mɛni hewɔ wɔtooo gbɛjianɔ koni wɔkɛ nakai be lɛ eko aya shiɛmɔ? Kɛ́ wɔfee nakai lɛ, wɔbaaná hejɔɔmɔ ni jɛɔ he ni akɛwoɔ sɔɔmɔ krɔŋŋ mli kɛbaa lɛ eko.—Mat. 11:29, 30.