Sane Oti Ni Yɔɔ Biblia Lɛ Mli

Nɔ Ni Aprinti

Yehowa Nyɔŋmɔ yɛ hegbɛ akɛ eyeɔ nɔ. Gbɛ ni etsɔɔ nɔ eyeɔ nɔ lɛ ji gbɛ ni hi fe fɛɛ. Eyiŋ ni eto yɛ shikpɔŋ lɛ kɛ gbɔmɛi ahe lɛ baaba mli.

Adam kɛ Hawa yɛ Eden Abɔɔ lɛ mli ni onufu ko yɛ amɛyiteŋgbɛ

Afi 4026 D.Ŋ.B. sɛɛ

“Onufu lɛ” wie eshi hegbɛ ni Yehowa yɔɔ akɛ eyeɔ nɔ, kɛ gbɛ ni etsɔɔ nɔ eyeɔ nɔ lɛ. Yehowa wo shi akɛ ebaatee ‘seshi’ ko shi, ni be ni yi aaawula shi lɛ seshi nɛɛ baakpãtã onufu lɛ, ni ji Satan hiɛ. (1 Mose 3:1-5, 15) Shi Yehowa ŋmɛ gbɛ ni gbɔmɛi diɛŋtsɛ aye amɛhe nɔ yɛ onufu lɛ kudɔmɔ naa.

Afi 1943 D.Ŋ.B.

Yehowa kɛɛ Abraham akɛ eshwiei lɛ ateŋ mɔ kome ji mɔ ni baafee ‘seshi’ ni awo ehe shi lɛ.—1 Mose 22:18.

Afi 1070 D.Ŋ.B. sɛɛ

Yehowa wo Maŋtsɛ David kɛ sɛɛ mli lɛ ebi Solomon shi akɛ ‘seshi’ ni awo ehe shi lɛ baajɛ amɛwekutɔkpãa lɛ mli aba.—2 Samuel 7:12, 16; 1 Maŋtsɛmɛi 9:3-5; Yesaia 9:6, 7.

Afi 29 Ŋ.B.

Yehowa hã ana akɛ Yesu ji ‘seshi’ ni awo ehe shi ni akɛ David maŋtsɛ sɛi lɛ baahã lɛ akɛ Niyelɔ lɛ.—Galatiabii 3:16; Luka 1:31-33; 3:21, 22.

Afi 33 Ŋ.B.

Onufu lɛ, ni ji Satan, hã agbe Yesu ni ekɛsa ‘seshi’ ni awo ehe shi lɛ naa be fioo ko. Yehowa tee Yesu shi kɛtee ŋwɛi ni ekpɛlɛ nɔ ni Yesu wala ni eye emuu lɛ damɔ shi kɛhã lɛ nɔ koni edamɔ nɔ ekɛ eshai ake Adam seshibii lɛ ni edro amɛ naanɔ wala.—1 Mose 3:15; Bɔfoi 2:32-36; 1 Korintobii 15:21, 22.

Onufu lɛ, ni ji Satan, ni ashɛ lɛ afɔ̃ shikpɔŋ lɛ nɔ tamɔ bɔ ni awo shi yɛ Kpojiemɔ wolo lɛ mli lɛ

Aaafee afi 1914 Ŋ.B.

Yesu shɛ onufu lɛ, ni ji Satan, efɔ̃ shikpɔŋ lɛ nɔ, ni ebaahi jɛmɛ be fioo ko.—Kpojiemɔ 12:7-9, 12.

Yesu ta maŋtsɛ sɛi nɔ yɛ ŋwɛi ni eeye shikpɔŋ lɛ nɔ tamɔ bɔ ni awo shi yɛ Kpojiemɔ wolo lɛ mli lɛ

Wɔsɛɛ

Yesu baawo Satan tsuŋ afii 1,000, no sɛɛ lɛ ebaakpãtã ehiɛ, ni no baafee Satan yitso ni ebaajwara yɛ okadifeemɔŋ lɛ. Yehowa yiŋ ni eto yɛ shikpɔŋ lɛ kɛ gbɔmɛi ahe lɛ baaba mli, abaatse egbɛ́i lɛ ni awo he muji lɛ he, ni ebaafee faŋŋ akɛ gbɛ ni etsɔɔ nɔ eyeɔ nɔ lɛ ja.—Kpojiemɔ 20:1-3, 10; 21:3, 4.