Nyɔŋmɔ Ni Yɔɔ Suɔmɔ Lɛ Baanyɛ Ajɔɔ Bo Kɛya Naanɔ

• Ani oosumɔ ni ohi jeŋ ko ni ta, yiwalɛ, kɛ béi bɛ mli lɛ mli?

• Ani oná kulɛ, hela, nɔnaa, kɛ gbele bɛ dɔŋŋ?

• Ani oná kulɛ, oyeee otsui, ni ohaooo?

• Ani ooshwe ni ohi he ko ni adebɔɔ naa oshãra fiteee nii yɛ jɛmɛ?

Wɔ-Nyɔŋmɔ ni yɔɔ suɔmɔ, ni bɔ wɔshikpɔŋ fɛfɛo lɛ, ewo shi akɛ ebaahã adesai ahi jeŋ ko ni toiŋjɔlɛ kɛ miishɛɛ yɔɔ mli lɛ mli kɛya naanɔ. Enɛ jeee adesã.

Yɛ saji ni nyiɛ sɛɛ lɛ amli lɛ, wɔbaasumɔ ni osusu saji otii ni nyiɛ sɛɛ nɛɛ ahe:

• Bɔ ni wɔ-Bɔlɔ lɛ sumɔɔ wɔ hã

• Nɔ ni Nyɔŋmɔ ehã wɔle

• Nɔ ni Nyɔŋmɔ gbalɔi lɛ wie yɛ jɔɔmɔi ni ewo he shi lɛ ahe

• Nɔ ni wɔbaanyɛ wɔfee ni wɔná miishɛɛ bianɛ, ni wɔsɛɛ lɛ, Nyɔŋmɔ ajɔɔ wɔ kɛya naanɔ

Wɔbaasusu nɔ ni wɔ-Bɔlɔ lɛ feɔ kɛtsɔɔ akɛ esumɔɔ wɔ lɛ he kɛje shishi.