Pwovèb

3 Yich-mwen, pa bliyé sa mwen aprann ou, é obéyi sé koumandman-an mwen ba’w épi tout tjè’w, 2 konsa ou kéy viv lontan, é ou kéy viv adan lapé. 5 Mété konfians-ou adan Jéova épi tout tjè’w é pa apiyé anlè pwòp entélijans-ou. 6 Tjenn kont di’y adan tousa ou ka fè, é li, i ké fè tout bagay maché bien an lavi’w. 7 Pa apiyé anlè sajès-ou. Ni lakrent Jéova épi tounen do’w ba sa ki mal. 9 Gloriyé Jéova épi sa ou ni ki méyè èk épi sé prèmié fwi-a adan tousa ou rékòlté ; 13 Bienéré nonm-lan ki ka touvé lasajès épi nonm-lan ki ka trapé bon jijman, 14 pas sa méyè ni lasajès ki trapé lajan, é sa méyè ni lasajès kon bénéfis, ki ni lò. 15 I ni plis valè ki sé koray-la ; adan tou sa ou anvi ni, pa ni ayen ki ni otan valè. 21 Yich-mwen, pa jen bliyé sa. Pa jen ladjé lasajès épi kapasité nou ni pou réfléchi ; 22 yo ké ba’w lavi épi yo ké sèvi kolié alantou kou’w. 23 Sé konsa ou kay pé suiv chimen’w lèspri trantjil, é pié’w pé ké bité anlè ayen. 27 Pa rifizé fè moun dibien lè yo ni bizwen, si ou kapab endé yo. 28 Fòk pa ou di pwochen’w : « Alé, épi viré plita ! Man ké ba’w an ti kéchòy dèmen » alòs ki ou pé bay li atjèlman. 32 pas Jéova rayi an moun ki ni pliziè chimen, men i an tjè-koko épi moun ki dwèt.