Éfézien

5 Kidonk, fòk zòt imité Bondié kon timanmay Bondié enmen, 2 épi kontinié viv adan lanmou menm manniè Kris-la té enmen nou é i ba lavi’y ba nou kon an ofwann é an sakrifis, an bon lodè Bondié enmen. 3 Fòk pa yo touvé an bouch-zòt piès konvèsasion ni anlè péché sèksièl, ni anlè piès kalté malpwòpté ouben vorasité, pas sa pa bon bagay ba moun ki sen ; 4 é sé menm bagay-la ba konduit ki ka fè moun wont, ba pawòl ki sòt épi blag malpwòp. Piès sé bagay-tala pa bon. Men plivomié priyé Bondié pou di’y mèsi. 8 an tan-an, sa vré, zòt té fè-nwè, men atjèlman zòt sé limiè parapòt a Senyè-a. Kontinié maché kon yich limiè, 10 Kontinié gadé-wè sa ki ka fè Senyè-a plézi. 14 Sé poutji pawòl-la ka di : « Lévé, wou ki ka dòmi, sòti adan lanmò-a, épi Kris kèy kléré’w. » 15 Kidonk prangad manniè zòt ka konpòté kòzòt, pa kon moun ki pa ni sajès, men kon moun ki saj ; 16 sèvi tan-an zòt ni méyè manniè zòt pé, pas sé jou-a mové. 17 Sé poutji, sispann fè fouben, mé toujou chèché konprann sa Jéova lé. 21 Soumèt kòzòt yonn douvan lòt pou montré zòt ka rèspèkté Kris. 22 Fodré sé madanm-lan soumèt douvan mari-yo kon douvan Senyè-a, 23 pas mari-a sé chèf madanm-li, menm manniè Kris-la sé chèf lasanblé-a, é sé li ki sovè kò-tala. 25 Zòt sé mari-a, kontinié enmen madanm-zòt, menm manniè Kris-la enmen sanblé-a é ba pwòp lavi’y ba’y. 27 pou sanblé-a pé parèt douvan’y adan tout bèlté’y, san tach, san rid, san ayen konsa, men pou i pé sen é san piès défo. 28 Menm manniè, fòk sé mari-a enmen madanm-yo konsidiré sé té pwòp kò-yo. An nonm ki enmen madanm-li enmen pwòp kò’y, 29 pas piès nonm pa janmen rayi pwòp kò’y, men i ka ba’y manjé é i ka pran swen di’y, menm manniè Kris-la ka fè pou sanblé-a, 33 Men, chak nonm pou enmen madanm-li konsidiré sé té pwòp kò’y ; kantapou madanm-lan, i pou ni an gran rèspé ba mari’y.