Ébré

13 Fòk zòt kontinié montré lanmou ant frè èk sè. 2 Pran labitid ouvè lapòt kay-zòt ba lézòt, pas sé gras a sa yonn-dé san yo sav risivwè zanj. 3 Sonjé sé moun-lan ki fèmen lajòl konsi zòt té fèmen épi yo, épi sonjé moun yo ka malmennen, pas zòt osi, zòt fèt épi lachè. 4 Fòk zòt tout ni rèspé ba mariyaj-la, é fòk kabann moun mayé rété pwòp, pas Bondié ké jijé moun ki ka fè péché sèksièl oben adiltè. 5 Sé pa lanmou pou lajan ki pou mennen lavi-zòt ; touvé lakontantman adan sa zòt ja ni. Pas i di : « Man pé ké jen kité’w, é man pé ké jen ladjé’w. » 6 Kidonk, nou pé di épi anpil kouraj : « Jéova sé soukou-mwen ; man pé ké pè. Kisa an nonm pé fè mwen ? » 7 Sonjé sé frè-a ki ka dirijé zòt la, ki fè zòt konnèt pawòl Bondié, é, toupandan zòt ka pran tan gadé rézilta konduit-yo, imité lafwa-yo. 13 Kidonk, annou alé jwenn li pa déwò kan-an, toupandan nou ka pòté dézonnè i sibi, 14 pas isiya nou pa ni an vil ki ké la pou toujou, men nou ka chèché épi tout tjè-nou vil-la ki pou vini an. 16 Anplis, pa bliyé fè sa ki bien épi partajé, pas Bondié ka kontan sé modèl sakrifis-tala. 17 Obéyi sé frè-a ki ka dirijé zòt épi rété soumi, pas yo ka véyé anlè zòt toulong, pas yo ké ni kont pou rann, sé pou yo pé sa fè’y épi lajwa é pa an manniè fòsé, sinon malè pé rivé zòt. 18 Pa sispann prédié ba nou, pas nou asiré nou ni an konsians pwòp, dawvè nou lé ni an bon konduit adan tousa nou ka fè. 20 Bondié lapé-a, ki résisité gran bèrjé sé brèbi-a, Senyè-nou Jézi, épi san an lalians ki étèrnèl, 22 Frè, man ka mandé zòt kouté épi anpil pasians pawòl-tala ki ka ankourajé, pas lèt-la man matjé ba zòt la kout.