APENDIS A
Vérité biblik ki fasil a ansénié
Jézi di ki moun ki ni tjè sensè kèy rivé rikonnèt lavérité (Jan 10:4, 27). Kidonk lè’w ka préché, rété senp. Pou palé di an vérité ki adan Bib-la, ou pé koumansé pa pozé an kèsion, kontèl : « Ès ou ka pansé… ? » ouben « Ès ou té sav… ? » Apré, chwazi yonn ouben pliziè vèsé ki ka konfirmé vérité-tala. An vérité biblik ki fasil pou konprann sé kon an ti grenn. An fwa ou planté vérité-a adan tjè an moun, i pé pousé, gras a Bondié (1 Kor. 3:6, 7).
SA KI KÈY FÈT DÈMEN
« Ès ou ka pansé... ? » ouben « Ès ou té sav... ? »
1. Tousa ka fèt anlè latè épi manniè moun ka aji ka montré nou ki tout bagay kèy chanjé adan an ti moman (Mat. 24:3, 7, 8 ; Lik 21:10, 11 ; 2 Tim. 3:1-5).
2. Latè-a pé ké janmen détwi (Sòm 104:5 ; Ékl. 1:4).
3. Tout déga latè ka sibi kèy disparèt (Iza. 35:1, 2 ; Rév. 11:18).
4. An jou, tout moun kèy ni an santé pawfé (Iza. 33:24 ; 35:5, 6).
5. Lavi étèrnèl asou latè posib (Sòm 37:29 ; Mat. 5:5).
LAFANMI
« Ès ou ka pansé... ? » ouben « Ès ou té sav... ? »
6. An mari « pou enmen madanm-li konsidiré sé té pwòp kò’y » (Éfé. 5:33 ; Kol. 3:19).
7. An madanm « pou ni an gran rèspé ba mari’y » (Éfé. 5:33 ; Kol. 3:18).
8. Mari épi madanm pou rété fidèl (Mal. 2:16 ; Mat. 19:4-6, 9 ; Ébr. 13:4).
9. Pou yo ni lajwa, sé tjanmay-la pou rèspèkté épi obéyi paran-yo (Pwo. 1:8, 9 ; Éfé. 6:1-3).
NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.
BONDIÉ
« Ès ou ka pansé... ? » ouben « Ès ou té sav... ? »
10. Bondié ni an non (Sòm 83:18 ; Jér. 10:10).
11. Bondié lé ba nou an mésaj enpòwtan (2 Tim. 3:16, 17 ; 2 Piè 1:20, 21).
12. Bondié jis é i pa ka fè préférans (Dét. 10:17 ; Akt 10:34, 35).
13. Bondié lé endé nou (Sòm 46:1 ; 145:18, 19).
LAPRIYÈ
« Ès ou ka pansé... ? » ouben « Ès ou té sav... ? »
14. Bondié ka kouté lapriyè-nou (Sòm 62:8 ; 65:2 ; 1 Piè 5:7).
15. Labib ka montré nou manniè pou priyé (Mat. 6:7-13 ; Lik 11:1-4).
16. Fòk nou prédié souvan (Mat. 7:7, 8 ; 1 Tés. 5:17).
JÉZI
« Ès ou ka pansé... ? » ouben « Ès ou té sav... ? »
17. Jézi té an ansénian èstwòdinè, é jòdi, konsèy-li toujou itil (Mat. 6:14, 15, 34 ; 7:12).
18. Jézi té anonsé sa nou ka wè jòdi-a douvan zié-nou (Mat. 24:3, 7, 8, 14 ; Lik 21:10, 11).
19. Jézi sé Yich Bondié (Mat. 16:16 ; Jan 3:16 ; 1 Jan 4:15).
20. Jézi sé pa Bondié tou-puisan an (Jan 14:28 ; 1 Kor. 11:3).
Based on NASA/Visible Earth imagery
WAYÒM BONDIÉ
« Ès ou ka pansé... ? » ouben « Ès ou té sav... ? »
21. Wayòm Bondié sé an gouvènman ka ègzisté poubon an sièl-la (Dan. 2:44 ; 7:13, 14 ; Mat. 6:9, 10 ; Rév. 11:15).
22. Wayòm Bondié kèy ranplasé tout gouvènman lézòm (Sòm 2:7-9 ; Dan. 2:44).
23. Wayòm Bondié kèy réglé pwoblèm limanité an fwa pou tout (Sòm 37:10, 11 ; 46:9 ; Iza. 65:21-23).
LASOUFWANS
« Ès ou ka pansé... ? » ouben « Ès ou té sav... ? »
24. Bondié pa rèsponsab lasoufwans (Dét. 32:4 ; Jak 1:13).
25. Sé Djab-la ki ka dirijé monn-tala (Lik 4:5, 6 ; 1 Jan 5:19).
26. Bondié ni lapenn lè i ka wè lézòm soufè (Sòm 34:17-19 ; Iza. 41:10, 13).
27. Talè, Bondié kèy fè tout soufwans disparèt (Iza. 65:17 ; Rév. 21:3, 4).
LANMÒ
« Ès ou ka pansé... ? » ouben « Ès ou té sav... ? »
28. Moun mò pa sav ayen ; yo pa ka soufè (Ékl. 9:5 ; Jan 11:11-14).
29. Moun mò pé pa ni endé nou, ni fè nou ditò (Sòm 146:4 ; Ékl. 9:6, 10).
30. Moun nou enmen ki mò kèy résisité (Jòb 14:13-15 ; Jan 5:28, 29 ; Akt 24:15).
31. « Pé ké ni lanmò ankò » (Rév. 21:3, 4 ; Iza. 25:8).
LARÈLIJION
« Ès ou ka pansé... ? » ouben « Ès ou té sav... ? »
32. Sé pa tout rèlijion ka fè Bondié plézi (Jér. 7:11 ; Mat. 7:13, 14, 21-23).
33. Bondié rayi moun ipokrit (Iza. 29:13 ; Mic. 3:11 ; Mak 7:6-8).
34. Lanmou, sé kalité-a ki ka endé nou rikonnèt vré rèlijion-an (Mic. 4:3 ; Jan 13:34, 35).