« Que ton règne vienne ! » : an lapriyè milion moun ka fè

Ès zòt ja prédié pou « règne » Bondié-a vini ? Dépi dé sièk, milion moun ka répété sé pawòl-la : « Que ton règne vienne ! » Poutji yo ka fè lapriyè-tala ? Pas Jézi di sé disip li-a prédié pou « règne », oben « wayòm », Bondié.

An koumansman, disip Jézi pa té ka konprann tou sa i té ka di anlè Wayòm-lan. An jou yo mandé’y : « Senyè, ès sé atjèlman ou kay viré mété doubout wayòm Izrayèl-la ?» Jézi pa ba yo an répons dirèk, sa ki dwèt siwprann yo (Ak 1:6, 7). Ès sa lé di nou pé pa sav sa ki wayòm Bondié épi ki tan i kay rivé ? Piès pa !

Liméwo Tou di Gad-tala kay rédé zòt dékouvè répons sé kèsion-tala :

Wayòm Bondié sé kisa ?
Poutji nou bizwen wayòm Bondié ?
Ki moun ki Wa wayòm-tala ?
Ki tan wayòm-tala kay dirijé latè ?
Ki travay i kay fè ?
Pouki fòk chwézi soutni Wayòm-tala dépi atjèlman ?