Annou vini pli filé adan ministè-a : Préché épi téléfòn

POUTJI SA ENPÒWTAN : Sa enpòwtan toubannman préché pa téléfòna pou « rann vréman témwayaj pou bon nouvèl-la » (Ak 20:24). Konsa, nou pé préché ba moun nou pé pa jwenn fasafas akòz divès sitiyasion.

KOUMAN OU PÉ FÈ :

• 

  Préparé kòw. Chwézi an sijé ki pé entérésé anlo moun, épi fè an ti plan épi sa’w sé lé di. Ou pé paré osi an mésaj kout pou èsplitjé poutji ou ka téléfonnen sianka ou tonbé anlè an répondè. Asiré, ou kéy trouvé sa entérésan di asiz bò an tab, épi plan’w an lanmen’w, épi tout matérièl ou bizwen, kontèl an aparèy élèktwonik ouvè anlè JW Library^® oben jw.org^®.

• 

  Détann kò’w. Palé an manniè natirèl. Souri épi fè sé menm jès-la konsidiré moun-lan té ka wè’w. Pa kité silans initil. Sa pé entérésan préché épi téléfòn épi dòt pwoklamatè. Lè an moun ka pozé an kèsion ou pé répété’y a wòt-vwa pou lòt pwoklamatè-a rédé’w trouvé répons-lan.

• 

  Kité an kèsion pou ou viré kriyé. Si moun-lan entérésé, ou pé pozé an kèsion okèlkè ou ké réponn lè ou viré kriyé. Sa posib osi ou pwopozé’y pòté an piblikasion ba’y oben vréyé’y pa imèl oben lèt. Ou pé osi pwopozé’y vréyé an vidéwo ba’y oben an awtik pa tèksto oben pa imèl, oben mandé’y alé gadé an sijé ki ka entérésé’y anlè sit entèwnèt-nou.