É si ou té ka fè Lékòl pou évanjélizatè Wayòm-lan ?

Ès ou ni ant 23 é 65 lanné é ès ou adan sèvis a-plen-tan ? Ès ou bienpòtan é ès ou pé sèvi Jéova koté ki ni bizwen plis pwoklamatè ? Si ou réponn wi, ès ou réfléchi pou plen an dimann pou fè Lékòl pou évanjélizatè Wayòm-lan ? Dépi prèmié klas-la milié frè èk sè mayé ouben sélibatè fè lékòl-tala. Men, nou bizwen plis frè sélibatè. Mandé Jéova fè grandi lanvi ou ni fè’y plézi épi imité Yich-li (Sm 40:8 ; Mt 20:28 ; Éb 10:7). Apré katjilé asou manniè rédui tan’w asou zafè pèrsonèl-ou ouben travay-ou pou sa ranpli dimann-lan.

Adan ki diféran sèvis sé diplomé-a pé alé ? Yo vréyé sèten fè témwayaj adan gran vil ouben koté éti yo ka palé dòt lang. Dòt ka vini asistan rèsponsab siwkonskripsion oben rèsponsab siwkonskripsion oben misionnè. Toupandan ou ka réfléchi asou divès fòwm sèvis ki douvan’w, fè pawòl Izayi vini ta’w : « Mi mwen ! Vréyé mwen ! » (Iz 6:8).

GADÉ VIDÉWO-A LES MISSIONNAIRES : DES OUVRIERS DANS LA MOISSON, APRÉ RÉPONN SÉ KÈSION-TALA :

• 

  Ki manniè yo ka chwazi sé misionnè-a ?

• 

  Ki bèl travay sé misionnè-a ka fè ?

• 

  Palé di yonn-dé bénédision sèvis misionnè-a ka pòté.