Paran, ba timanmay-zòt lakonésans

Nou ka viv adan an monn ki ka pansé, sa ki bon mové é sa ki mové bon (Iz 5:20). É malérèzman, yonn-dé moun ka pratitjé sa Jéova rayi. Pa ègzanp, yo ni an konpòwtasion ki pa pou fèt épi moun menm sèks ki yo. Kanmarad lékòl épi dòt moun pé mennen sé jenn-nou an fè kon yo. Koumanniè zòt pé paré tianmay-zòt pou yo tjenbé doubout douvan sé présion-tala ?

Aprann timanmay-zòt lwa Jéova ki kèy pé pwotéjé yo (Lv 18:3). Anmizi-anmizi é silon laj-yo, ansénié yo sa Labib-la ka di asou lasèksialité (Dt 6:7). Mandé kòzòt : « Ès mwen ka aprann sé tianmay-mwen an kilès jès afèksion ki korèk, lenpòwtans abiyé an manniè senp é osi ki lézòt pou rèspèkté kò-yo ? Ès yo kèy sav sa pou fè si an moun lé montré yo pòwnografi oben si an moun ka mandé yo fè bagay Jéova ka kondané ? » Aprann timanmay-zòt tout sé bagay-tala, sé an manniè pou paré yo pou lè yo kay douvan danjé-a. Sa pé pwotéjé yo di bon dézagréman (Pw 27:12 ; Ék 7:12). Si zòt ansénié yo anlè sé kèsion-tala, sé prèv zòt enmen bèl léritaj-la Jéova ba zòt (Sm 127:3).

GADÉ VIDÉWO-A BÂTISSONS UNE MAISON DURABLE — PROTÉGEONS NOS ENFANTS DE « CE QUI EST MAUVAIS », APRÉ RÉPONN SÉ KÈSION-TALA :

• 

  Ni dé paran ki pè palé di sèksialité épi timanmay-yo. Poutji ?

• 

  Poutji fòk sé paran-an fòwmé timanmay-yo « silon disiplin épi konsèy Jéova ka ba » ? (Éf 6:4).

• 

  Kisa lòwganizasion Jéova ka ba lé paran pou endé yich-yo ni an bon lédikasion asou lasèksialité ? (w19.05-F 12, kad).

• Poutji fòk zòt palé épi timanmay-zòt souvan, avan yo jwenn difikilté ?