Ki manniè pou sèvi lidé pou kozé ?

Sé frè-a ka travay rèd pou préparé sé lidé-a pou kozé. Kifè, anlo pwoklamatè ka touvé sé lidé-a éfikas adan téritwè-yo. Men oliwon latè moun pa ka viv menm manniè-a. Sé pou sa, lè an pwoklamatè ka préché i pé chwézi dòt kèsion, dòt vèsé épi osi chwézi an lòt tèm ki ka entérésé moun téritwè’y la. Aprézan, lè sé an kanpàn èspésial, nou pou sèvi modèl-la yo ba nou. Sa nou lé, sé réyalizé mision-an Jézi ba nou : préché bon nouvèl Wayòm-lan (Mt 24:14).

Men, lè an zélèv ka fè an sijé, i oblijé sévi tèm-lan ki adan lidé pou kozé adan Kayé Lavi épi ministè (pa ègzanp, pou kayé juiyé épi out, tèm-lan sé : ki pwojé Bondié). Men, adan sijé’y la i pé désidé chanjé kèsion-an, vèsé-a épi kèsion pou pwochen fwa-a ouben chwazi an sitiyasion diféran, silon sa i ka jwenn adan téritwè’y la. Men prangad, délè, yo ké di pa chanjé ayen. Enfòwmasion-tala ka anilé tala ki adan paj 8 Kayé Lavi épi ministè mwa jwen 2020.