Ès ou ka éséyé wè manniè Jéova ka réponn lapriyè’w ?

Adan Labib, i ni an patjé listwa éti Jéova réponn lapriyè moun. Antan-an, lè sèvitè Jéova té ka wè i té ka pran tan kouté pwoblèm-yo épi endé yo, asiré sa té ka rann lafwa-yo pli fò. Sé pou sa fòk lapriyè-nou prési, épi apré fòk nou fè éfò pou konprann répons-lan Jéova ka ba nou. Pa oubliyé, délè, répons-lan pa kay sa ou ka atann ouben sé kéy plis ki sa ou mandé (2Ko 12:7-9 ; Éf 3:20). Kisa Jéova pé ba adoratè’y pou réponn lapriyè-yo ?

• I ka ba yo fòs fizik, moral épi èspiritièl pou tjenbé doubout douvan difikilté (Fl 4:13).

• I ka ba yo sajès ki nésésè pou pran bon désizion (Jk 1:5).

• I ka ba yo lanvi épi lafòs pou aji (Fl 2:13).

• I ka kalmé yo lè langwas ka anparé yo (Fl 4:6, 7).

• I ka sèvi dòt krétjen pou ba yo sa yo ni bizwen pou konsolé yo épi ankourajé yo (1Jn 3:17, 18).

• I ka ba sé moun-lan yo ka prédié ba yo a an pal (Ak 12:5, 11).

GADÉ VIDÉWO-A « JÉOVA KA KOUTÉ LAPRIYÈ », APRÉ RÉPONN SÉ KÈSION-TALA :

• Ki manniè témwayaj frè Shimizu ka ankourajé an krétjen ki pé pa fè tousa i lé parapòt a santé’y ?

• Ki manniè nou pé fè kon frè Shimizu ?