Yonn-dé ti lidé pou sèvi Viv an bèl lavi pou toujou !

Adan liv-la Viv an bèl lavi pou toujou !, i ni vidéwo épi kèsion ki ka pèwmèt ou sav sa létidian’w lan ka pansé. Ès ou enmen yo ? É sa’w ka pansé di sé ribrik-la « Ni moun ka di », « Sa man pou fè » épi « Tibren plis ankò » ? Mi yonn-dé ti lidé ki pé itil pou bien sèvi liv-la (Mt 28:19, 20) :

Vidéwo épi awtik : Si ou préféré sèvi liv papié-a, ki koté ou pé touvé tout sé vidéwo-a épi tout sé awtik-la ? Alé asou modèl élèktwonik liv-la, chwézi yonn adan sé 4 mòso-a. Alafen lis sé lison-an, i ni an koté ka fè’w rivé lamenm adan tout vidéwo épi awtik an rapò épi mòso-tala (gadé zimaj 1-lan).

« Mode Image » : Lè’w ka fè an létid Labib asou liv élèktwonik-la, tanzantan ou kèy préféré sèvi « Mode Image ». Pou rivé adan « Mode Image », chwézi an lison. Anwo paj-la adwèt, kliké anlè sé 3 ti pwen-an épi chwézi « Mode Image ». « Mode Image » ka prézanté’w paj-la an manniè pou pé sa bien wè liannaj-la ant tèm an lison épi sé lidé-a. Pou viré adan paj-la manniè i té yé avan, viré apiyé anlè sé 3 ti pwen-an, épi kliké anlè « Mode Texte » (ouben kliké asou ti bouton violèt la anba paj-la).

« Ès man paré ? » : Sé kad-tala, ki alafen mòso 4 liv-la, ka fè an lis di sé prensipal kondision-an ki an Bib-la pou préché épi sanblé-a, épi pou pran batenm (gadé zimaj 2-a).

Nòt : Sé nòt-la ka ba’w plis èsplikasion an rapò épi yonn-dé sijé ki enpòwtan. Asou liv élèktwonik-la, alafen chak nòt, ou ni an lien ki ka fè’w viré la ou té yé adan lison-an (gadé zimaj 2-a).