APENDIS C
Ki manniè pou fè an létid biblik épi liv-la Viv an bèl lavi pou toujou !
Sé frè-a prédié anpil épi yo pran tan réfléchi asou sa yo té kèy mété adan liv-la Viv an bèl lavi pou toujou ! Métòd-la yo ka pwopozé’w isiya, kèy endé’w mennen létid Labib-ou an manniè filé.
Avan létid-la
1. Paré kòw bien. Toupandan ou ka préparé kòw, katjilé asou sa étidian’w lan bizwen, sitiyasion’y épi kwayans-li. Éséyé wè ki lidé ki pé rèd ba’y pou konprann oben pou aplitjé. Adan « Tibren plis ankò » gadé kisa ki pé endé étidian’w lan, épi sèvi sé lidé-tala si sa nésésè.
Pandan létid-la
2. Pou koumansé épi bout létid-la, fè an lapriyè (si étidian-an dakò épi sa).
3. Pa palé twòp. Vomié ou sèvi sèlman sé lidé-a ki adan lison-an, épi ou kité étidian-an palé.
4. Lè’w ka koumansé an nouvo mòso adan liv-la, li tèm mòso-a épi mété douvan tit yonn-dé lison.
5. Lè’w fini an mòso, sèvi révizion-an pou fè an ti viré-gadé épi étidian’w lan asou sa i aprann.
6. Pou chak lison :
Li ouben mandé an moun li sé paragraf-la.
Li ouben mandé an moun li sé vèsé-a ki matjé « li » douvan yo.
Si sa nésésè, li ouben mandé an moun li sé lézòt vèsé-a.
Si ou ni aksè a sé vidéwo-a ki adan « Annou pli lwen » gadé yo tout épi étidian’w lan.
Pozé étidian-an tout sé kèsion-an.
Mandé étidian’w lan gadé épi èsplitjé sé zimaj-la ki adan « Annou pli lwen ».
Sèvi kad-la « Sa man pou fè » pou endé étidian’w lan wè manniè i ka pwogrésé. Ou pé ankourajé’y atenn lòbjèktif-la yo ka pwopozé adan liv-la, oben an lòbjèktif li menm chwazi, oben lé dé.
Mandé étidian’w lan ès i ni an awtik oben an vidéwo adan ribrik-la « Tibren plis ankò » ki matjé’y pandan i té ka préparé kòy.
A chak fwa zòt ka fè létid-la, éséyé étidié an lison.
Apré létid-la
7. Kontinié sonjé étidian’w lan. Prédié Jéova pou i béni pwogré i ka fè, é pou i ba’w sajès-la ou bizwen pou endé’y.