Lè ou ka ansénié rété senp

Ki manniè Jézi té ka fè ?

VIDÉWO : Jézi pran an ègzanp pou montré manniè Jéova enmen nou

1. Gadé VIDÉWO-a ouben li Matié 6:25-27. Apré, katjilé anlè sé kèsion-tala :

1. Pou montré manniè Bondié enmen nou, ki ègzanp Jézi pran ?

2. Magré Jézi té sav an patjé bagay asou sé zibié-a, Jézi arété kòy anlè an tou piti lidé. Kilès ? Poutji métòd-tala éfikas ?

Kisa lègzanp Jézi ka aprann nou ?

2. Lè nou ka ansénié an manniè ki senp, moun-lan ka ritjenn sa nou ka di é sa ka touché tjè’y.

Pou fè kon Jézi…

3. Pa di twòp bagay. Olié ou di tousa ou konnèt asou an sijé, sèvi sa ki matjé adan liv-la. Lè’w ka pozé étidian’w lan an kèsion, ba’y tan réponn. Si i pa ka touvé répons-lan, ouben si i ka di an bagay ki pa annakò épi Bib-la, pozé dòt kèsion pou endé’y touvé bon répons-lan. Lè ou wè i bien konprann lidé prensipal-la, ou pé kontinié létid-la.

4. Endé étidian-an fè liannaj épi sa i ja konnèt. Pa ègzanp, avan koumansé lison-an asou larézirèksion, an dé-twa mo, viré-wè épi’y an ki léta moun mò yé.

5. Bien chwézi sé ègzanp-lan ou ké sèvi. Avan ou pran an ègzanp mandé kòw :

1. « Ès i senp ? »

2. « Ès sa pé ké two difisil pou étidian-an konprann sa ? »

3. « Ès étidian-an ké ritjenn sé lidé-a ki enpòwtan, ouben ègzanp-lan sèlman ? »