FÈ AN LÉTID BIBLIK
LISON 12
Palé franchman
Prensip : « Luil épi lansan ka dousi tjè’w ; sé menm manniè-a an bon zanmi ka dousi tjè’w lè i ka ba’w konsèy sensè » (Pwo. 27:9).
Ki manniè Jézi té ka fè ?
1. Gadé VIDÉWO-a ouben li Mak 10:17-22. Apré, katjilé anlè sé kèsion-tala :
Jézi rimatjé jenn nonm-lan té ni kalité. Kilès ?
Poutji Jézi té ni bizwen lanmou épi kouraj pou ba jenn nonm-lan konsèy ?
Kisa lègzanp Jézi ka aprann nou ?
2. Pou nou endé sé étidian-nou an pwogrésé, fòk nou enmen yo é fòk nou palé ba yo franchtèman.
Pou fè kon Jézi...
3. Endé étidian’w lan ni òbjèktif épi endé’y fè éfò pou atenn yo.
Sèvi ribrik-la « Sa man pou fè » adan liv-la Viv an bèl lavi pou toujou !
Endé étidian’w lan konprann, ki manniè i pé atenn sé òbjèktif-li a piti-a-piti.
Pran labitid félisité’y pou pwogré i ka fè.
4. Chèché wè kisa ki ka anpéché’y pwogrésé, é endé’y fè sa ki fo pou janbé sé difikilté-tala.
Si étidian’w lan pa ka pwogrésé, mandé kòw :
« Kisa ki ka frennen’y ? »
« Kisa man pé fè pou endé’y ? »
Priyé Jéova pou ni kouraj di étidian’w lan franchman, men épi lanmou, chanjman i ni pou fè.
5. Pa kontinié an létid ki pa ka pwogrésé.
Étidian’w lan ka pwogrésé si…
i ka aplitjé sa i ka aprann,
i ka alé réyinion adan sanblé-a é i ka palé alantou’y di sa i ka aprann adan Labib,
apré yonn-dé tan, i ka di i lé vini Témwen Jéova.
Si’w ka wè étidian’w lan pa ka fè éfò pou pwogrésé :
Mandé’y : « Dapré’w, poutji ou pa ka rivé pwogrésé ? »
Épi jantiyès, èsplitjé’y poutji ou ké arété létid-la.
Di’y ki pwogré i pou fè si i lé ripran létid-li.