Fòk ni lasirans nou kèy pwotéjé lè lafen monn-tala kèy rivé

Dan pa lontan, pasians Jéova ba monn-tala kèy bout. Fo rèlijion-an kèy détwi, an alians nasion kèy atatjé pèp Bondié-a, épi Jéova kèy tjwé sé méchan-an a Armagédon. Sé krétjen-an présé wè sé lévènman kapital-tala rivé.

Sa vré, nou pa ni tout détay asou gran tribilasion-an. Kontèl, nou pa sav a ki moman prési i kèy koumansé. Nou pa sav non pli ki manniè sé puisans politik-la kèy èsplitjé poutji yo ka atatjé sé rèlijion-an. Nou pa sav pandan konben tan sé nasion-an kèy atatjé pèp Bondié-a, ni ki manniè yo kéy fè sa. Épi nou pa ni détay asou manniè Jéova kèy détwi sé méchan-an a Armagédon.

Men, Labib ka ba nou tout sé enfòwmasion-an nou bizwen pou nou ni konfians épi kouraj pou rété doubout douvan sa ki ké rivé dèmen. Kontèl, nou sav nou ka viv sé dènié-a adan sé « dènié jou-a » (2Tm 3:1). Nou sav lè sé nasion-an kèy atatjé sé rèlijion-an, sa pa kay diré two lontan, sa kay ‘pli kout’, pou vré rèlijion-an pa disparèt (Mt 24:22). Nou sav Jéova kay sové pèp-li (2Pi 2:9). Épi, nou sav moun-lan Jéova chwézi pou tjwé sé méchan-an épi pou pwotéjé gran foul-moun lan a Armagédon, sé an moun ki jis épi puisan (Ré 19:11, 15, 16).

Asiré-pa-pétèt, sé pa ti pè moun ké pè sé lévènman-an ki ka vini. Men, nou menm kèy ja ni tan li épi médité asou manniè Jéova sové pèp-li adan Labib, épi sa Jéova ka di asou lavni. Sa kèy pèwmèt nou ‘doubout dwèt épi lévé tèt-nou’, pas nou kèy asiré délivrans-nou toupré rivé (Lk 21:26, 28).